Tripklombe

Dreinse versie:

Tripklompen of trippen waren klompen (en laoter kaploze klompen met een zeel) of schoenen met een bred erunner. Meist broekt op nat veen (baggelveen) um neeit weg te zakken. Peerden har um die reden ok trippen unner de iezers. Umdat veenwarkers deur het trippen last kregen van de vreei wur een tweeide versie van de klomp maokt. In stee van een bred, wur de klomp ienvoldig breeider maokt en de kap wur vervangen deur een zeel. In Drenthe worden tripklompen (noe) neeit meer broekt. D'r bint nog wal kaploze klompen met zelen zo as op het plao'ie hierunner, maor die neuimt wij in (Noord-)Drenthe nog aaid vrouwlieklompen.

Schreven in het Noord-Dreins van Roon.

Grunningse (en Freeise) versie:

Tweantse tripkloompn

n Tripklombe of holske is n variaant van de holtklombe, môr is eerder n soort schoune. Tegenswoordeg komt dizze veuraal nog in de pervìnzie Grönnen veur, môr het vrouger n veul groter ôfzettensgebied had. t Bestaait uut n holten zole, mit over de voude hìn, n haard stukkie leer. Maisttieds zit der gain leer om de hakke hìn, woardeur man der hail makkelk mit de voude in schoeven kin. Dizzent worden veuraal bruukt as vrijetiedsschounen veur boeten en worden droagen mit dikke sokken.

Boeten Grönnen verwiest t voak noar laanke holten klompen mit n klain stukkie leer over de bovenkaande van de voude hìn. De dingen dij ien Grönnen ook wel as tripsklompen aanduud worden haiten in t Nederlaands ook wel "strovels". De noam tripklombe komt van de femilie Trip. t Woapen van dizze femilie lôt den ook drij tripklompies zain en is zichtboar op de veurgevel van t Trippenhuis in Amsterdaam.

Leegsaksisch

• Drèents: tripklompen, trippen
• Grönnegs: tripklombe, holske
• Tweants
  • trippe (Riesns)
• Veluws:
  • klompschoe(n)
  • klompleers (Putten, Uddel, Bunsjoten)
  • tripklomp(e)
  • trip (Bunsjoten)
  • lege klomp(e)
  • lèèrtiesklomp (Wezep)
  • leertiesklomp (Terwolde, Attem, Epe)
  • schippersklomp (Heerde, Loen)
  • klapklomp (Barreveld)
  • rove (Nunspeet)
  • keuineus (Bunsjoten) - dit is een trip zongder leertsies

Schreven in t Veenkelonioals