Opstalboom
De Opstalboom is t middelaiwse dingstee van de Zeuven Fraise Zeelanden bie Rahe, Aauwerk. Ôfgevoardegden van de Fraizen troffen ainander tot in de 13e aiw om mekoar te beloven de Fraise Vraaihaid te respekteern en te haandhoaven, rechtvoardeg te wezen en om grode beslissens te nemen. Omdat de middelaiwse Fraizen gain vôrsten harren, wuir dizze Fraise Vraaihaid mit de zegswieze Eala Frya Fresena bekrachtegd. Dizze zegswieze stait tegenswoordeg op t woapen van Oostfraislaand.
De bieainkomsten bie dizze Opstalboom kennen zain worden as n joarvergoadern.
Opstalboom betaikent Ophangboom en verwiest noar de funksie van de aaik as belaankriekste stee in de Fraise landen. Hier wuir noamelk noast t besturen, ook rechtsproken. De aaik geul in sommege Germoanse stammen as haailege boom.
Op t stee woar de Opstalboom vrouger stond, stait nou n monument dat heugt aan de Opstalboom.