Wikipedia:Skriefwedstried
Tussen 15 december 2009 en 1 juni 2010 is den eersten Nedersaksiesen Wikipedie-Skriefwedstried ehollen.
Reagels bewark
- A'j met wilt doon ko'j ow hier inskrieven. A'j neet in de kunde bunt mit Wikipedie, vroag ons dan um hulpe of kiek hier. Zet eam bi-j owwen inskrieving wat veur ni-j artikel da-j wilt skrieven, of wat veur beginneken da'j oet wilt breiden, en vanzelf owwen name.
- I'j mot skrieven in et Nedersaksies: dus Tweants, Achterhooks, Veluws, Sallaands, Urkers, Drents, Grönnegs, Stellingwarfs of Liemers.
- Zolange den wedstried löp, wöd een reserveerd artikel veurzeen van een berichtjen, woarmet andere bezeukers verzocht wodt neet te bewarken. As den wedstried af elopen is, is et artikel weer, net as elk artikel op Wikipedie, deur iederene te bewarken op spelling of inhold. Dus i-j stemt der met in da'j gin alleenrecht op et artikel hebt.
Woar kö'j oaver skrieven? bewark
I-j könt et zo gek neet bedenken, zolange as et moar in ne encyclopedie past. Dus n stuksken ovver de kieften in Drente, de geschiedenisse van den Achterhook in den oorlog, Klassieke meziek in Grönnen, Opkumste en neergang van de tekstielindustrie in Tweante, n plaetsken op de Veluwe, Weerkunde, Ruumtevoart, et is allemoale good, as et moar gin zelfverzonnen verhalen bunt. Et mooiste is et a'j wat bronverwiezingen maken könt, zodat et artikel op den inhold kontroleerd kan wodden. Hier en Kategorie:Begin kö'j wat dingen vinden dee-t nog oet-ebreid könt wodden, moar n ni-j onderwarp is ok prima.
Woar mot et artikel an voldoon? bewark
Et allerbelangriekste is, da'j der skik in hebt um in et Nedersaksies te skrieven. Et hooft neet perfekt espeld te wean, der bunt moar weineg leu dee-t ne opleiding Nedersaksies hebt evolgd, en spelling kan achteraf altied verbetterd wodden. Et beste is wal um konsekwent te wean in owwe spelling. Et artikel hooft ok neet in heel olderwets Nedersaksies te stoan, vol met woorden dee-t gin mense meer kent. Et geet der juust umme dat blik dat in modern Nedersaksies good te skrieven völt ovver van alles, moar wat typies Nedersaksiese zegswiezen wodt wal op pries esteld.
Wat kö'j dermet winnen? bewark
Wi-j as organisasie denkt, dat a'j den wedstried wint, da'j de neuze neet meer boeten de deure könt stekken, zonder handtekeningen te motten gevven, en da'j verzeakerd bunt van joarenlang vri-j bier in et kaffee. Moar dat kö'w neet beloaven. Wat meer tastboar:
- Et Huus van de Taol hef al nen pries too-ezegd.
- De Iesselakkedemie stelt een luuster-cd beschikboar, der kan ekeuzen wodden oet acht verskillende cd's.
- Et Staring Instituut stelt een deel van et WALD (woordenbook) beskikboar.
- TwentseWelle steelt nen CD en t beuksken Twents, Hoo skrief iej dat? beskikboar.
Een paar kontakten met andere streektaalorganisaties loopt nog, dus et kan wean dat der nog meer prieze komt.
Jury bewark
De jury besteet oet een antal beheerders / vaste bezeukers van disse wiki.
Meskien an evuld met gast-juryleaden van de streektaalorganisaties.
Hulpe bewark
A'j vastloopt bi-j et skrieven, of andere hulpe neudeg hebt, kö'j n bericht achterloaten in et Wikipedia:Praotkefee, of op de oaverlegziede van ene van de juryleaden, dan zö'w preberen ow zo raps meugelek te helpen. I-j könt ok hier kieken, doar steet al ne bulte oet-elegd (in et Veluws, moar da's ok veur de rest van de Nedersaksen wal te begriepen).
Inskrieven bewark
Wat mo-j doon um ow in te skrieven:
- I-j mot ne gebroekersname hebben, a'j dat nog neet hebt kö'j dat hier regeln.
- Hieronder owwe gebroekersname zetten (veer kringelstreepkes geet ok ~), en derachter den titel van et artikel da'j wilt anmaken of oetbreiden (op bewark hierboaven klikken, en dan kö'j wat skrieven)
Anmeldingen: