Bekke
Ne bekke of beake is nen min of meer natuurleken streum water dee vanuut nen eursprong, mangs ne bronne, streumofweerts vleujt. Wanneer meer beaken samenkomt en ne zekere greutte kriegt sprekt zie van ne reviere. Nen voestreagel um te bepoalen of nen waterlöp noo ne beake of ne reviere eneumd möt wödden, is dat ne beake op alle plaatsen deurwoadboar is en ne revier moar op enkele ploatsen. In laeglaandgebeeden in Europa, zoas Nederland, hebt völle beaken eure natuurleke uutstroaling verloaren deur ingriepende kanoalisaties.
Nen spreng is nen biezunderen vorm van ne beake.
Beaken in polders
bewarkIn polders wodt beaken an-elegd, hier wöd et kwelwater dat normaal deur sloten dee eavenwiedig an den diek ligt wöd of-evoerd, vervangen deur hoaks op den diek eleagen beaken. Nen bi-jzaak is dat dee beaken veulal ne verheuging van den waterspeegel mit zich metbrengt in et umrengenden laand.
In et "Cirkelbos" in Almere is zo'n beake emaakt. De kaaien van dee beake waren in eersten anleg aan 2 kanten loodrecht of-egroaven. Noo dee beake doar wat joaren ligt, bunt dee randen neet meer zo steil en längs den oover bunt hier en doar varens te vinden. Deurdat de stuwing van water ok bi-j vorst deurgeet en umdat et water streumt, leavert dit nen biotoop op den gans geskikt is veur den iesvöggel. Ok den zwarten peppel blik et hier gans good te doon; nen in 1978 eplanten boom is al 31,5 m hooge en heft nen umvang van 280 cm.