Brevenbusse

Een brevenbusse is een rechhoekige opening in een esleuten kaste, een mure of een deure waor breven in-edaon kunnen wonnen. Der bestaon een groot antal brevenbussen mit verschillende doelen:

bie banken (veur overmaakformelieren)
bie appetheken (veur receppen en deklerasies)
langes de openbaore weg veur 't versturen van pos
bie een woenige um de pos te bezurgen

Binnen bedrieven bin der meestentieds posvakken anwezig waor de ontvungen pos in-edaon kan wonnen veur bieveurbeeld de medewarkers.

Nederlaand

TPG Post hef ongeveer 20.000 brevenbussen in Nederlaand. Ze bin rood van kleur en hemmen een of twee inwarp-openingen. Ze wonnen een keer per dag (behalven op zaoterdag) leeg-emaak deur 't posbedrief, daornao wonnen de zogenaamde "lichtingsindicator" umhoge edaon.

An 't einde van december maak TPG Post de openingen in de brevenbusse wat nauwer um zo vandelisme mit vuurwark tegen te gaon. Deur 't mit wille of per ongelok ontsteken van vuurwark in de brevenbusse wonnen der an de rooie kasten aanders elk jaor veul schaode an-ebröch. Rond de jaorwisseling wonnen de opening zelfs helemaole of-esleuten.

Triva

In of-elegen gebieden in de VS ku-j brevenbussen bie huzen gebruken veur 't versturen én ontvangen van pos. An de brevenbusse zit een vlaggetjen, as e umhoge steet dan is 't een teken veur de brevenloper dat der pos in de brevenbusse lig dee mee-eneumen kan wonnen.

Nedersaksisch

Grunnegs: klipgat, braivenkaast(e)
Sallaands: brievenbusse
- brievenbusse, busse, loerkleppe (Zwolle)
Drèents: brievenbusse (spreekt uut briemmbusse)
Stellingwarfs: brievebusse
Tweants:
- glieve
- brevenbusse
Veluws:
- breve(n)bus(se)
- brieve(n)bus(se)
- bus (Une)
- gleuve (Vaossen)

Verschillende types

Commons: Brevenbusse - plaatjes, filmkes en/of gelüüdsbestanden.