Cork (stad)

(döärstüürd vanaf "Cork")

Cork (Iers: Corcaigh) is de tweede-grötste stad van Ierlaand en ligt in t zuudn, in de gelieknamige proveensie. t Hef noa Dublin en Belfast met ongevear 119.000 leu t doardemeeste antal inwonners.

Kaarte van proveensie Cork oetvergroott

n Naamn van disn stad keump van t Ierse corcach [kʷərˈkʷɑxʷ] wat "zoompigen plek" beteeknt, wat duudt op de Lee-riviere, woer at Cork bie lig. Cork hef nen naamn as rebelleernde stad, wat terugge geet noar t 14e joarhoonderd, toew at de inwonners van Cork n Engelsen troonopeesker Perkin Warbeck helpn deedn noa de Engelse Rooznoorleuge. doarumme steet de proveensie Cork ook wal bekeand as de Rebelproveensie, en neumt de inwonners van Cork öare stad "de echte heuwdstad" van Ierlaand.

Geskiedenisse bewark

Cork was eerst n kloosterneerzetting, esticht duur St. Finbarr in t 6e doarhoonderd, mear gröaidn pas oet töt ne stad tusken 915 en 922 toew at de Noormänne dr nen haandelshaawn van maakn.