Sallandse Schrieverskring

De Sallandse Schrieverskring was een Nedersaksische schrieverskring veur de regio Sallaand, opericht op 5 oktober 1956 in huus 'De Twaalf Apostels' in Dèventer. Veurzitter was de Dèventer schriever Herman Korteling; in 't bestuur zatten onder meer de schrievers Gerhard Werkman en Hermen Bomhof. 't Doel van de Kring was um iederiene die mit 't Nedersaksisch gaanks was te verienigen en een podium te bieden, en zo de zake van de streektaal verdan te hölpen. Ok de bekende schriever Broos Seemann was bij de Sallandse Schrieverskring betrökken.

Anesleuten schrievers kunden heur wark onder meer kwiet in 't Ommer historisch tiedschrift De Darde Klokke, 't Jaarboek Overijssel, tiedschrift De Mars, 't Sallaands pergramma van de RONO en vanof 1958 in 't eigen tiedschrift van de Schrieverskring, De Moospot. In 1963 wördden de name veraanderd in De Moespot, umdet wat leden 'Moospot' nog aordig Twèents vunden klinken. In 1963 wördden De Moespot 't blad van 't nei operichte Verbond van Neersasse Dialektkringen.

In 1957 deu de Schrieverskring een poging um te komen töt een Oost-Nederlandse Academie naor veurbield van de Fryske Akademy, mar det dreide nargens op uut.

Bronnen bewark

  • Jannie Bakker-Rietman en Frank Löwik (2008), 'Streektaalliteraturen in Overijssel', in Henk Bloemhoff, Jurjen van der Kooi, Hermann Niebaum en Siemon Reker (red.), Handboek Nedersaksische Taal- en Letterkunde, Assen: Van Gorcum
  • F.G.H. Löwik (2003), De Twentse Beweging: strijd voor modersproake en eigenheid, Stad: Rieksuniversiteit Grunning
  • Gerhard Werkman (1956), 'Oet den Schrieversbond: Sallaandse Kringe', in 't Swieniegeltje jk. 2, nr. 1, jan/feb 1956
  Dit artikel is eschreven in 't Zuudwest-Drèents.