De Nieuwe Groep

De Nieuwe Groep (NSS: De Nye Grupe) was ne koppel moderne kunstenaars uut Twente, untstån in 1945 in Goor. By de grupe warren vöäral skilders by, mär ouk bealdhauwers warren welkum.

Geskedenisse

Vanaf 1918 dea teykenleyraar Bert Henri Bolink by de HBS van Enskede en lokaal afhüren üm teykenlessen to geaven. Disse grupe van leyrlingen un amatöörkünstenaars nöömden sik de Tekenclub of Kunstclub. Uut dee grupe unstünd in 1934 de Twentsche Kunstkring, med leaden as Kees Broerse, Gerard C. Krol, Jan Broeze, Evert Rabbers, Pieter Arie Nijgh en Ina Scholten-van Heek. Jungere leyden, sou as Jan Broeze en Riemko Holtrop, kunden et mär måtig vinden med wat Holtrop den 'beholdsüchtigen un diktatoriaal bestüürden klub' nöömden. Ekspirimenteren med vryen kunst wör neet waerdeerd.

Tydens den Tweyden Wearldoorlog döäken nen houp kunstenaars under in buurderyen rund Markel. In de vöäle gespreaken unstünd et idee üm nen klub up to richten vöär 'modernen'. Med Folkert Haanstra sr. as anvoorder wör up den 12. december van 1945 in syn warksküppe an den Ypendyk in Goor De Nieuwe Groep uperichted. Haanstra sr. selv was vöärsitter un Wim ten Broek sekretåris.^[1] De grupe hevt ne groute rulle spöäld in den döärbraak van moderne kunst in Twente.

Dat was ouk et vöärnaamste dool van de vereyniging. In de huusregels van de Nieuwe Groep stünd in artikel 2 et volgende uutgangspunt:

Art. 2: De Vereeniging stelt zich ten doel in het oosten van ons land belangstelling te wekken voor de moderne schilder- en beeldhouwkunst en het bevorderen der idëeele en materieele belangen der leden.

Invlood

De Nieuwe Groep wolde vöäral dat et makkeliker was üm as modern kunstenaar voot an de grund to krygen in Oustneaderland. Se deaden eyrst vöäral vöäle wark låten seen in tentounstellingen. Ne vastümlynde identiteit had de grupe neet. Mär döär gewoan gangs to gån med tentounstellingen un oapen to weasen oaver de dolen van moderne kunst, wör den weg vry emaked vöär nyere generatys.

Leaden

By de eyrste vergåring van De Nieuwe Groep warren alle domålige leaden by:

Ben Akkerman (1920-2010),
Wim ten Broek (1905-1993),
Jan Broeze (1896-1983),
Bas Kleingeld (1910-1994),
Folkert Haanstra sr. (1884-1966),
Folkert Haanstra jr. (1920-1985),
Johan Haanstra (1914-1991),
Riemko Holtrop (1914-1996).

Later kümmen dår noch verskeidene andere leaden by:

Jan Brugge (1918-2000),
Hubert van Hille (1903-1983),
Henk Lamm (1908-1957),
Jan Schoenaker (1923-2017).

Tentoonstellingen

1945 - Noodrestaurant Hengel
1946 - Electra Hengel
1946 - Zutphen
1946 - Goor
1947 - Zutphen
1949 - Zwolle
1949 - Vondelparkpaviljoen ICC Amsterdam
1950 - Frans Hals museum Hårlem
1970 - Ryksmuseum Twente Enskede
2016 - HeArtGallery Hengel
2021 - 28-11-'21 t/m 23-01-'22, "De Haanstra's", Kunsthal Hof 88 Almelo, oaverzichtsuutstalling

Brunnen

Katalogus van de tentounstelling De Nieuwe Groep 1945-1970, Rijksmuseum Twenthe 1970. Inleidend essay van Riemko Holtrop uut name van De Nieuwe Groep 1945-1970, bekeaken up 18-11-2024, webstea http://www.janbroeze.nl/pdf/nieuwe_groep.pdf
Jårbook Twente 1966, Stichting Jaarboek voor Twente, Pag. 12 t.m. 15, J. G. Fortuin, De “Nieuwe Groep”.
Twentse Post, Måndblad vöär Twente, Nr. 12 Dec. 1970, 9e druk, Pag. 9, Reünie “De Nieuwe Groep”.

↑ Jaarboek Twente 1995, Stichting Jaarboek voor Twente. Peggie Breitbarth, De Nieuwe Groep een halve eeuw later, pag. 13 t/m 20.

[1] Jaarboek Twente 1995, Stichting Jaarboek voor Twente. Peggie Breitbarth, De Nieuwe Groep een halve eeuw later, pag. 13 t/m 20.

[1]