Diensdag

Diensdag is ien van de zeuven dagen van de weke volgens de gregoriaanse kelender. 't Is de dag die op de maondag volg.

Romeins veurbeeld

De Romeinen hadden de gewoonte de zeuven dagen van de weke naor goden te neumen. Diensdag hiette bie de Romeinen Martis dies, wät noe in 't Frans mardi hiet. De Martis dies was de dag van de oorlogsgod Mars.

De Germanen nammen dit anwensel over mä gebruken d'r eigen goden veur de namen van de dagen. Meugelijk zol diensdag dan of-eleid wezen van de plaselijke naam van de god Týr (Ding) die in elatininseerde vorm evunnen is in inscripties an de mure van Hadrianus äs 'Thingsus'. Hee was de god van t Ding, de roadsvergadering.

Dingsdag

Een aandere meugelijkheid is dät de naam diensdag eneumd is naor de dingen zoas vroggere veurlopers van rechsgedingen of rechzaken eneumd wönnen. In 't Middelnederlaans hiet de dag dinxdach of dinxendach. Meerten Luther hef in zien Biebelvertaling een variant hiervan gebruuk en in 't Standerdduuts populair emaak (Dienstag tegenover 't Zuudduutse Ziestag).

Nedersaksisch

• Drèents: dings(e)dag, dinsdag
• Grunnegs: dinsdag, dingsdag
• Sallaans: dinsdag
• Stellingwarfs:
  • deensdag
  • deenserdag (Gieteren)
• Tweants: deenkseldag, dinkseldag, dinksdag
• Urkers: dingiesdag, dingesdag
• Veluws: diensdag, dinsdag

Dagen van de weke
maondag - diensdag - woonsdag - donderdag - vriedag - zaoterdag - zundag