Gieteren
Gieteren of Gietern (Nederlaans: Giethoorn) is een dörp in de Kop van Overiessel, in de gemiente Stienwiekerlaand. Et hef 2.785 inwoners en is bekend om zien broggies, waeterwegen en punters. Et wodt ok wel et 'Venetië van et noorden' enuumd.
De ienigste deurgaonde verbiending over laand is een fiets- en kuierpad dat dwas deur 't dörp löp. Et veurnaemste verkeer vient plaets over et waeter. Daorveur wodt vaeke gebruuk emeuken van de punter, votbeweugen mit een punterboom, krek as de gondels in et echte Venetië.
De bi'jnaemen veur de inwoners van Gieteren bin kwekers of waeterrotten.
Geschiedenis
bewarkDe kerakteristieke kenaalties van et dörp vienen heur oorsprong in de vervening. De turfgrevers haelden op veur heur gunstige plekken et vene uut de bodem, mingden dit in een mingbak en gooiden et op et laand omme te laoten dreugen; daornao wodde d'r turf van esteuken. Deur die vervening ontstonnen plassen en meren. Omme de turf te vervoeren, greuven de meensen vaorten en sloten. Veul huzen bin as et waore op eilaandties ebouwd, die allienig via broggies te bereiken bin. De mieste van de meer as 176 broggen bin privébezit.
Karkelik leven
bewarkKarkelik ezien is Gieteren een vri'jzinnige enklave temidden van een orthodox gebied mit dörpen as Stappest, Gällemuun en Asselt. De dörpskarke mit de naeme De Vermaning, wodden in 1871 esticht.
Uutgaonde verwiezing
bewark
 | Plaatsen in de gemiente Stienwiekerlaand |  | ||||||||||||
|---|---|---|---|---|---|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||||||||
|
Dit stok is eschreven in et Stellingwarfs van Stienwiekerlaand. |