Droeve
De droeve is de vrucht van de wienstokke (Vitis). Droeven kunnen rauw egeten wörden, of verwarkt wörden in bieveurbeeld: jam, droevensap, droevenpitteneulie, wien of aandere dingen. Droeven greuien in trossen van 6 tot 300, en kunnen zwart, blauw, gold, greun, paors, rood, roze, bruun, parzik of wit van kleur ween. De witte droeven stammen van de rooie droeven of, mar deur veraanderingen in twee regelerende genen is de anmaak van anthocyaan stop-ezet, dee derveur zörg dat de droeven neet meer rood/paors wörden. De bleuitied van droeven is meestentieds van begin mei tot en mit 't einde van de maond juni.
De pitte van de droeve bevat procyanidine, dat as een starke antioxidant warkt. De pitte en 't velletjen bin ook een goeie bron van de antioxidant resveratrol.
Lanen mit 't grootste oppervlakte wingerds bin: Spanje, Frankriek, Italië, Turkije, Amerika, Iran, Roemenië, Portugal, Argentinië en Australië.
Een aander bekend predukt dat emaakt wördt van droeven is de rezien.
Soorten
bewark- Vitis vinifera, de belangriekste Europese droevensoorte dee gebruukt wördt veur 't maken van wien.
- Vitis labrusca, ofkomstig uut Noord-Amerika. 't Wördt veurnamelijk gebruukt as tafeldroeve en soms ook um wien van te maken. Disse droeve kump van oorsprong veur in 't osen van de Verenigde Staoten van Amerika en Kanneda.
- Vitis riparia, een wilde droevensoorte uut Noord-Amerika, wördt soms gebruukt bie 't maken van wien of jam. Disse droevensoorte kump van oorsprong veur in 't osen van Amerika en in 't noorden van Québec.
- Vitis rotundifolia, wördt veural gebruukt in jams en wienen. Kump van oorsprong veur in 't zuudosen van Amerika, vanof Delaware tot an de Golf van Mexico.
- Vitis aestivalis, zoemerwien, de soorte 'Norton' wördt veural gebruukt veur 't maken van wien. Kump van oorsprong veur in 't osen van Amerika.
- Vitis vulpina, een Amerikaanse droevensoorte.
- Vitis amurensis, de belangriekste Aziatische droevensoorte.
- Vitis californica is belangriek veur de Californische wienindustrie, vanwegen zien weerstaand tegen de wienluze, en is kan goed tegen een koel klimaot.
Der bestaon ook hybriden, kruzingen tussen Vitis vinifera en Vitis labrusca dee ook gebruukt wörden veur 't maken van wien.
Inholdstoffen
bewark| 100 g droeven bevatten: | |||||||
|---|---|---|---|---|---|---|---|
| Kcal | Kjoule | Waoter | Vet | Kalium | Calcium | Magnesium | Vitemine C |
| 67–71 | 286–297 | 81 g | 0,5 g | 192 mg | 18 mg | 9 mg | 4 mg |
| Anbeveulen dagelijkse hoeveulheid bie volwassenen 100g | |||
|---|---|---|---|
| Kalium | Calcium | Magnesium | Vitemine C |
| 9% | 2% | 3% | 5% |
- Drèents: droef of droeve
- Grunnegs: droef, droeve (oetsproken as [droewe])
- Stellingwarfs: droeve
- Veluws: druuf, druve of droeve
Zie ook
bewark
|
Commons: Droeve - plaatjes, filmkes en/of gelüüdsbestanden. |
|
Disse pagina is eschreven in 't Elburgs |