Färöer

De Färöer of Färougen (färöösk: Føroyar [ˈfœɹjaɹ]; däänsk: Færøerne [ˈfæɐ̯øːˀɐnə])) is een westeuropääske eilandengrup. Et ligt in et midden van de dreehook Skotland-Noorweagen-Ysland en behöyrt tot et koaningryk Dänemark. De name Färöer beteykent 'skåpeneilanden' (øer of oyar is respektivelik däänsk en färöösk vöär 'eilanden', de name Färöer-eilanden is düs feitelik een pleonasme). Der woanen sowat 45.000 lüde, hyrvan woant een grout deyl in de höyvdstad Torshaven (Tórshavn). De plaatselike noordgermaanske dialekten, verwand an et yslandsk, formen een amparte taal, estandardiseerd in et färöösk.

Føroyar
Vlagge van Färöer	Wåpen van Färöer
Ligging van Färöer
Basisgegeavens
Officiele språke	färöösk, däänsk
Höyvdstad	Tórshavn
Regeringsform	selvbestüür
Godsdeenst	protestantisme
Geografy en bevolking
Uppervlakde - Water	1399 km² 0,5%
Inwoanertal - Dichtheid	48.354 34,6 inw./km²
Koordinaten	61° 55′ N, 6° 50′ W
Oaverige
Volksleed	Tú alfagra land mítt
Münteynheid	färööske kroune (FOK)
Tydzone	+0
Nationale feystdag	28 en 29 juli
Web | Kode | Tel.	.fo | FO | 298

Geskydenisse

De Färöer is vöärnamelik bevolked vanuut Noorweagen, vanof de 9. eyw nå Christus. In de 11. eyw kwammen de eilanden under et gesag van de noorske koaning. To Noorweagen selv een gebeedsdeyl van Dänemark wördden, kwammen de Färöer ouk under de däänske kroune. Ouk to Noorweagen sweedsk en later selvstandig wördden, bleaven de Färöer däänsk. In 1948 kreagen se vearegånd selvbestüür. De Färöer höyen neet by de Europääske Uny.

Up party seykaarten uut de 16. en 17. eyw is in et süden van Ysland een grout eiland te seen dat Frisland enöömd wördden. Der wördt van uutegaon dat dårmead de Färöer bedoold wördden.

Unofhankelikheid

De upbrengst van oly vöär de küst van de Färöer wördden vöär een grout deyl ovaereheaveld når Dänemark. De plaatselike bevolking seet düs minnig van der eigen rykdommen. Dit postkoloniale beleid van Dänemarken hevt de wensk under de eilandbewoaners üm vulleadig unofhankelik te wörden vearder vergrouted. Dänemark hevt et tot nun to eweigerd.

Geografy

Kerngegeavens

• kustlynde: 1117 km
• hougste punt: Slættaratindur up Ousteroug, 882 m.

De eilanden

De söäventyn bewoande eilanden van de Färöer binnen:

Ströymoug (Streymoy) – Ousteroug (Eysturoy) – Vágar – Mykines – Süderoug (Suðuroy) – Stóra Dímun – Skuaroug (Skúvoy) – Sandoug (Sandoy) – Hestur – Koltur – Nolsoug (Nólsoy) – Bordoug (Borðoy) – Kearlsoug (Kalsoy) – Künoug (Kunoy) – Wydoug (Viðoy) – Swynoug (Svínoy) – Voageloug (Fugloy).

Et achttynde, unbewoande eiland is Lítla Dímun.

Uutgånde verwysingen

Commons: Färöer - plaatjes, filmkes en/of gelüüdsbestanden.

• Officiele websteade vöär turisten
• Websteade oaver de Färöer vöär turisten
• Flick-fotos van de Färöer

Kaarte

Satellytfoto

Torshaven

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.