Fenrir

Fenrir (uut oldnoorsk: "veanganger" of "veanryder") Fenries of Fenrisúlfr (oldnoorsk: "Fenrirswulv"), ouk wal Hróðvitnir en Vánagandr (monster van de Vánrivyr) enöömd, is nen grouten wulv in de germaanske mytology. Med Hel en de wearldslange is Fenrir en kind van stoakegud Loki en de röäsinne Angrboða. Hee steyt beskreaven in de dichtedda, daleskreaven in de 13. eywe uut eyrdere mundelinge brunnen, en de verhaaledda en Heimskringla, van den yslandsken skryver Snorri Sturluson. In beide edda's is Fenrir de vader van de wulven Sköll en Hati Hróðvitnisson. Van Fenrir is vöärsegd dat hee den gud Wodan sal upvreaten by Ragnarök en dårvöär döär Wodan synen söäne Viðarr ümmebracht sal worden.

In de verhaaledda steyt beskreaven dat de guden de vöärspellingen oaver Fenrirs tokumstige rulle höyrt. Ouk seet se em rap grötter groien en sint der niks geröste up. Dårümme oaverlegt se med den gud Týr (Dinksel) dat hee an de keatene müt. Den krigt dat vöär mekander, mär Fenrir bit em wal de hande af.