Gerhard Werkman
Gerhard Werkman (Heldern, 3 febrewaori 1912 - Dèventer, 7 april 1981) was een Sallaandse journalist en schriever. Hij warkte bij verscheiden dag- en weekbladen, sinds 1936 in Amsterdam en nao 1951 in Dèventer en Rotterdam.
Werkman was ien van de lu die betrökken waren bij de Nedersaksische Beweging van de jaoren vieftig. Hij zat in 't bestuur van de Sallandse Schrieverskring en schreef in Nedersaksisch tiedschrift 't Swieniegeltje. Aandere schrievers en dichter reup e op um de ogen en oren lös te hebben en heur te laoten inspireren deur de eigen tied. Een veurbield van 't experiment bij Werkman is 't gedicht 'Kiekikoean' in 't Swieniegeltje jk. 2 nr. 1, det begunt mit:
kiekikoean
kiekimian
kiekewienömeka
en eindigt mit:
staoikoean
staoimian
trouwewimetmeka
As heufdredacteur van 't Deventer Dagblad en de Zutphense Courant schreef Werkman aover 'De derde taal van Nederland'. In Aoveriessels blad De Mars pleitte e veur de neudzake van 't ontwikkeln van een neie, baovengewestelijke Sassische schrieftaal. Ok pleitte e in De Mars veur Dèventer as vestigingsplaatse van een Nedersaksische Volksacademie, een instituut daor as binnen de Nedersaksische Beweging spraoke van was, mar det der nooit ekomen is.
Gerhard Werkman zien breur was Evert Werkman (1915-1988), ok journalist en schriever, en scenarist van de stripfuletons Kapitein Rob en Frank, de Vliegende Hollander.
Schrieverije
bewark- Het Urkerland valt droog (1942, aover de ontginning van de Noordoostpolder)
- Amsterdam, stad te water (1943)
- Kent gij het land der zee ontrukt; enige hoofdstukken uit de waterstaatkundige geschiedenis van ons woongebied (1948)
Bronnen
bewark- Jannie Bakker-Rietman en Frank Löwik (2008), 'Streektaalliteraturen in Overijssel', in Henk Bloemhoff, Jurjen van der Kooi, Hermann Niebaum en Siemon Reker (red.), Handboek Nedersaksische Taal- en Letterkunde, Assen: Van Gorcum, p. 393
- Digitaal Trésor der Hollandsche Waterbouw aover Werkman
- Adriaan Buter, Twente in beweging: pleidooi voor culturele samenwerking
|
Dit stok is eschreven in 't Zuudwest-Drèents. |