Baarlo (Stienwiekerlaand)
|
Et Stienwiekerlaanse Baarlo moej niet deur de wiere haelen mit et Zwattewaeterlaanse Baarlo, dat kotbi'j op et zuudoosten an lig. Ok in Limbörg hej een Baarlo. |
Baarlo is een buurtschop in de gemiente Stienwiekerlaand, in de perveensie Overiessel in de Kop van Overiessel.
De buurtschop lig niet wied of van et stattien Blokziel, naobi'j de perveensiaole weg N333 tussen Marknesse en Stienwiek. Wat plaesen die in de buurte liggen, bin naost Blokziel, Moggebiet, Scheerwoolde en Wetering.
Geschiedenis
bewark
Vrogger hef Baarlo een dörp ewest. Tot de Noordoostpolder dreugelegd wodden, lag et an de diek van et Iesselmeer (vrogger de Zuderzee).
Sinds mienstens 1476 stund der in Baarlo een kapel. Dissend deu dienst as karke veur de inwoners van Baarlo, Kuunderdiek, Blokziel en omgeving. Naodat Blokziel in 1609 een eigen karke losedaone had, deu et Baarlose gebouwgien nog dienst as kapel veur de begraafplaese van Baarlo. De begraafplaese en de kapel wodden in 1774 overedreugen an de hervormde karke van Blokziel.
In de stormvloed van 1825 wodden de kapel zwaor verrineweerd. In 1836 hebben zie hom veur ofbraak verkocht an et waeterschop Veno. Wat overbleef was de olde begraafplaese, die nog aldeur in bezit is van de karkevoogdi'je van 'e protestaanse gemiente in Blokziel.
Volgens de 19de-ieuwse historicus A.J. van der Aa had Baarlo midden 19de ieuw zo'n 120 inwoners. Et dörp wodden toen ok wel Kuunderdiek en Baarlo (Kuinderdijk en Baarlo) enuumd.
Bronnen
bewark- Abraham Jacob van der Aa (1840), Aardrijkskundig woordenboek der Nederlanden, diel 2 (B)
 | Plaatsen in de gemiente Stienwiekerlaand |  | ||||||||||||
|---|---|---|---|---|---|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||||||||
|
Dit stok is eschreven in et Stellingwarfs van Stienwiekerlaand. |