Belt-Schutsloot
Belt-Schutsloot is een dörp in de gemiente Steenwiekerlaand in de Nederlaandse perveensie Overiessel. In 2008 woonden d'r 570 meensen.[1]
Belt-Schutsloot lig in de Wieden, onderdiel van Nationaol Park De Weerribben-Wieden. Et lig tussen de waeteren Arembergergrachte, Schutsloterwiede en de Kleine Belterwiede. In de buurte liggen plaetsen as De Sluus, Gieteren en Et Klooster.
Belt-Schutsloot is ontstaon uut twee dörpies, Belt (Zaandbelt) en et an de Schutsloterwiede elegen Schutsloot. Et is een toeristisch dörp waor waetersporters drok op bin. D'r bin dan ok veul campings en jachthavens. Deur et dörp löp een kenaal daoras veul plezierjachten deurhenne koemen. Ok fietsers koemen graeg deur et dörp. Onder aandere de Wiedenroute löp deur Belt-Schutsloot.
Dörpsfeest
bewarkAlle jaoren wodt tijdens et dörpsfeest op de tweede vri'jdag van augustus een gondelvaort eholden. Rond acht uur 's aovends vaart d'r vanof et midden van et dörp bi'j de karke een stoet thematisch versierde gondels op et oosten an. Mit et tweeduusteren varen de gondels verlocht weeromme richting et Kleine Belterwiede. As ze daor verzaemeld bin, wodt d'r vuurwark of-esteuken. Anslutend is der ook nog feest in de tente.
Rifferenties
bewark- ↑ Gemeente Op Maat: Steenwijkerland, CBS, 2009
 | Plaatsen in de gemiente Stienwiekerlaand |  | ||||||||||||
|---|---|---|---|---|---|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||||||||
|
Dit stok is eschreven in et Stellingwarfs van Stienwiekerlaand. |