Goten

De Goten waren en Oust-Germaansk volk det en groute rolle hev espöld in de undergang van et West-Romeinse Ryk.

Gotisk syråd

Oorsprong

Er wördt edacht det de Goten üüt et süden van Skandinavye kwamen. Dårnåst bint er ouk lüü dee denkt det de Goten van et eiland Gotland wegkwamen, ümdet Gotland nå de Goten vernüümd isse. Geskydkundigen bint et hyr nog neet oaver eyns.

Ukraïne en Transsylvanye

In de darde eyw en veerde eyw bint de Goten nå et süden etrökken richting de Zwarte See. De Goten güngen tun wounen tüsken de rivyren de Donau en de Don. Vlak nå de ankomst in Ukraïne splitsten de Goten sik in de Ostrogoten (de 'oustelike Goten') en de Visigoten (de 'westelike Goten'). De Ostrogoten en Visigoten hadden twey köninkryken; vanof ungeveyr et jår 270 is dår melding van emaakt. Ouk nå de Groute volksverhüsing waren er nog Goten in Ukraïne, dit umdet et Krim-Gotisch töt in de 18e eyw nog up de Krim vöärkwam.

Et Romeinse Ryk

Invallen op Romeins gebeed

In 237 vünden de eyrste invallen op verskillende plaatsen in Romeins gebied plaats. Dasyë weer det jår eplünderd döär de Goten. Eyrst wünnen de Romeinen makkelik, maar üütendelik weren de Goten sou gevårlik det de Romeinen beslöäten de Goten te betalen ümdet see de stad Histria hadden eplünderd.

Tyn jår later waren de plünderings nog groter ewörden. In 249 wördden sölfs Marcianopolis döär de Goten inenömmen en eplünderd.

Dit artikel is eskreaven in et sallandsk.