Ikster
De ikster of akster (Pica pica) is een voegel uut de femilie van de kreiachtigen.
,_%D0%9A%D0%B0%D0%BB%D0%B8%D0%BD%D0%B8%D0%BD%D0%B3%D1%80%D0%B0%D0%B4.jpg)
Veurkoemen
bewarkDe ikster is een 46 centimeter grote voegel dee ongeveer 200 tot 260 gram weeg. De ikster is makkelijk te herkennen an zien zwart-witte veren. Veerder hef e een opvallend lange start dee hij, as e op de grond zit, goed umhoge huilt. Zien kop, nekke en bors bin glanzend zwart mit een metaalachtige greune of blauwe gloed. 't Lief en de scholders bin wit en de vleugels bin dan weer zwart. Veerder hef de ikster zwarte poten en een zwarte snavel. De jongen lieken op der ouwers, mar missen nog de metaalachtige gloed van de zwarte veren. 't Mannetjen is net iets groter as 't wiefjen.
Verspreiding
bewarkDe ikster kump veur in heel Europa, een groot part van Azië en 't noordwessen van Afrika.
Eten
bewarkBie 't zeuken naor eten lopen iksters over de grond. Veur 't grootste part eten ze insekken dee ze op de grond vienen. Veerder eten ze haos alles van dierlijke oorsprong, jonge voegels, eiers, kleine zoogdieren. Mar ze eten bieveurbeeld oek wel ekels of graonen.
Vortplaanting
bewark
De ikster maak der nes in de top van een hoge boom. 't Is een groot nes waorvan de koeme bekleid is mit greun en klei. Boven 't nes maak de ikster een dak van losse sprikken mit op één plekke een ingang. As de blaojen van de bomen vallen ku-j de nessen goed zien. 't Wiefjen leeg tussen de vier en ach eiers dee binnen ongeveer 18 dagen uut-breuid wonnen. Daornao duurt 't nog 22 tot 24 dagen tot de jongen uut kunnen vliegen.
- Achterhooks:
- ekster
- ekstern as warkwoord is zoiets as bekvechten, ruziemaken
- Drèents: aakster, akster, aokster, okster
- Grunnegs: eekster, oakster, okster
- Sallaands: akster, äkster, ekster
- Vechtdals: akster, hei(k)ster
- Stellingwarfs: akster
- Tweants: eakster, ekster
- Veluws: ikster/eekster, ekster, akster, äkster
|
Disse pagina is eschreven in 't Nunspeets |