Ivoorkuste
De Republiek Ivoorkuste (vereulderd: Elpenbeenkuste) is een land in West-Afrika. De regearing van Ivoorkuste hef gerne da'j et Republique de Côte d'Ivoire (IPA: /ˌkoʊt_dɨˈvwɑr/, Koot-di-VWAAR) neumt. Et hef ne oppervlakte van 322.462 km² en is noabers met Liberië, Guinea, Mali, Burkina Faso en Ghana. Op et zuden lig et an 'n Golf van Guinea. In 1998 wonnen der in Ivoorkuste 15.366.672 [1] leu. In 2009 wör et eskatt op 20.717.068.[2] Leu oet Ivoorkuste neumt ze Ivorianen.
| Republique de Côte d'Ivoire Reppubliek Ivoorkuste | ||
 |
 | |
 Kaarte van Ivoorkuste
| ||
| Informasie | ||
| Sproaken | Fraansk (offisjeel), Dioula, Baoulé, Dan, Anyin en Cebaara Senufo en mear | |
| Heufdstad | Yamoussoukro | |
| Regeringsvörm | Republiek | |
| Laand en inwonners | ||
| Oppervlakte - Water |
322.463 km² 1,4% | |
| Inwonners - Dichtheid |
26.378.274 (2020) 81,8 inw./km² | |
| Koordinaten | 6° 51′ N, 5° 18′ W
| |
| Oaverig | ||
| Volksleed | "L'Abidjanaise" | |
| Munteenheid | West-Afrikaanse CFA frank (XOF)
| |
| Tiedzone | GMT | |
| Web | Kode | Tel. | .Ci | CI | 225 | |
Vuur at Ivoorkuste koloniseerd wör duur Europeanen, bestund et land oet verskeidene stoaten, zo as Gyaaman, et Kongriek, en Baoulé. Der warren twee Anyikeuninkrieken, Indénié en et Keuninkriek Sanwi, dee't vanof de kolonisatie töt an de onofhankelikheaid van Frankriek nog probeerden um zelfstandig te worden.[3] Een verdrag van 1843-1844 maken Ivoorkuste ne beskoarmeling van Fraankriek en in 1893 wör et ne Fraanske kolonie, in de Europese Wedloop um Afrika.
Op 7 augustus 1960 wör Ivoorkuste onofhankelik. Van 1960 töt 1993 wör et land leidt duur Félix Houphouët-Boigny. Et Onderheuld nauwe banden met de umliggende Afrikaanse landen, en tegelieke ook met Europa, en dan vuural Frankriek. Seed et ende van de regearing van Houphouët-Boigny is dr enen stoatsgreep ewest in 1999 en nen Eersten Ivoriaansen Börgeroorlog, den as oetbreuk in 2002.[4] Noa nen ofspraak tusken de regearing en de opstandigen wör et vrea.[5]
Ivoorkuste is ne republiek met völle oetvorenden macht bie 'n president. De wettelike heuwdstad is yamoussoukro en de grötste stad is de havenstad Abidjan. Et land is verdeeld in 19 strekken en 81 departementen. Et land dut met an de Afrikaanse Unie, de Islamitische Samenwoarkingsorganisatie, La Francophonie, de Latiense Unie, de Ekonomiese gemeenskop van West-Afrikaanse Stoaten en de Zuud-Atlantische vrea- en saamnwoarkingszone.
De officiële landssproake is Fransk, mer ze kuiert der nen hoop andere lokale sproaken, zo as et Baoulé, Dioula, Dan, Anyin en Cebaara Senufo. De geleuve met de meeste anhangers in et land zint 'n Islam, et Kristendom (heuvdzakelik Rooms-Katholiek) en verskeidene inheemse geleuve.
In de 60er en 70er joaren van et 20ste joarhonderd boeren Ivoorkuste good met koffie en kakaobonen. Duur nen krisis in de joaren '80 köm et land politiek en ekonomisch an et keukeln an. Et Ivoorkuste van et 21ste joarhoonderd mut et vuural hebben van landbouw.
Verwiezingn
bewark- ↑ Institut National de la Statistique, Bureau Technique Permanent du Recensement. Premiers résultats définitifs du RGPH-98 (Recensement Général de la Population et de l’Habitation de 1998). Abidjan, 2002.
- ↑ The World Factbook. CIA Directorate of Intelligence. Bekekn op 8 augustus 2008. Skreewn op 24 July 2008.
- ↑ Library of Congress. Library of Congress Country Studies. Bekekn op 11 april 2009. Skreewn in november 1988
- ↑ Journal Officiel de la République de Côte d’Ivoire. Loi n° 2000-513 du 1er août 2000 portant Constitution de la République de Côte d’Ivoire. Deel 42. 3 Augustus 2000. Bekekn op 7 augustus 2008. blz. 529–538
- ↑ Presidency of the Republic of Côte d'Ivoire. Accord politique de Ouagadougou. Skreewn op 4 meart 2007. Bekekn op 7 augustus 2008.