Et blauwe klokkien
Et blauwe klokkien (Gentiana pneumonanthe) is een plaante die beheurt tot de gentiaanfemilie (Gentianaceae). De plaante komt van neture veur in Eurazië. In Nederlaand is de plaante wettelik bescharmd: et staot op de Nederlaanse Rooie Liest van plaanten as algemien veurkommend mar stark ofneumen.
De plaante wodt 15 tot 60 centimeter hoge. De blaeder bin niet breder as 1 centimeter, ze bin lienvormig, langrekt en hebben 1 tot 3 narven. De raand van et blad is meerstal wat ommerold. Et onderste blad is niet tot een lange schacht vergruuid.
Et blauwe klokkien bluuit van juli tot september mit allienstaonde of twie bi'j mekeer zittende, donkerhemelsblauwe, 4 tot 5 centimeter lange bloemen, die an de buterkaante vuuf grune strepen hebben en an de binnenkaante grune stippels. Somstieden kunnen de bloemen ok wit wezen. De bloemen zitten in de bladoksels en an et aende van de stengel.
De vrucht is een deusvrucht. De kleine, lochte zaoden bin ongevleugeld.
De plaante komt veur in blauwgröslaand, tussen kot grös, heide en veenmoerassen op natte, zoere grond.
Et blauwe klokkien is een gastheer veur et gentiaanblauwgien (Maculinea alcon), die de eities ofzet op de bloemen die nog niet eupend bin. Ok de rupsen van de motten Nemophora violaria (Lepidoptera, Adelidae) en Stenoptilia pneumonathes (Lepidoptera, Pterophoridae) kommen op et blauwe klokkien veur.
Nedersaksisch
bewark- Stellingwarfs:
- et blauwe klokkien
- klokheide
- adam-en-eva
- reumeltien
- Veluws:
- klokjesgentiaan
- klokjesgentiaon (Hoevelaken)
- klökkiesgentiaan (Heerde, Wezep)
- klöksiesgentiaan (Epe, Apeldoorne)
- klokkiesgenter (Une)
- klokje (Niekark)
- gentiaan
- bärgbellen (Vaossen)
- blauw klukien
- blauwe klokjes (Klanenbeek)
- hääntjen-en-hennetjen (Apeldoorne)
- vingerhoedjes (Garder)
- Overig: opzuken
|
Commons: Et blauwe klokkien - plaatjes, filmkes en/of gelüüdsbestanden. |