Kruudmoos

Kroedmoos, kruudmoos of kruudmoes (, NSS: kruudmoos) is een traditioneel gerecht wat in et Gelders-Oaveriessels gedeelte van Nederlaand egetten wördt. Et is nen dikken inekokten pap van gort, karnemelk, spek, rookworst, rozienen en nen hoop verske kruden. Kruden wat der vake ingoat zint karvel, peterselie, selderie, venkelloof of dille, kruzemunt en zoerblad. Mangs doot ze der ook brandnetteltöppe of blad van zwarte beazen duur. Et is een traditioneel boerengerecht, bedoold um good wat te verbranden hebben biej et wark op et land.

Gebeed in Nederland woer as kruudmoos egetten wör of bekend is. Binnen et greune gebeed neumt ze et ok wal gruunmoes, in et rode gebeed melkmoes. De gelle pluskes zint families wat et kent, vake as ze van oorspronk (deels) oet et kruudmoosgebeed stamt.

Et terechtemaken doert mear as 12 uur, vandoar at et gerecht de leste joaren wat minder vake getten wördt.

Kruudmoos maken

Hieronder ne beskriewige van wo as kruudmoos emaakt wördt.

Wat der in geet

100 gram gort

1 liter water

10 gram zolt

300 gram rookworst

100 gram rozienen

1,5 etleppel kervel

1,5 etleppel peterselie

1,5 etleppel kruzemunt

250 mililiter karnemelk

Maken

'n Gort 12 uur loaten wellen in et water. Doarnoa een uur in etzelfde water kokken.

Rozienen, pläkkes van 'n rookworst en kruzemunt der biej duur.

Loat dat 15 minuten heanig kokken. Dan de rest der biej.

'n Kruudmoos good woarm opdenen.

Trivia

Onder 'n naam Gait-Jan Kruutmoes presenteerden Kees Schilperoort in de joarn 1950 en 1960 et radioprogramma De Boertjes van Buuten.

Neersassies

• Tweants: kruudmoos of kruudmoes
• Sallaans: kruudmoes of groenmoes (rondumme Kampen)
• Veluws:
  • kruudmoes
  • melkmoes
  • moes (Doospiek, Wezep, Nunspeet)

Verwiezingen

Disse pagina is eskreewn in t Riesns