Et muntrecht, dat wol zeggen et recht um munten te sloan, is deur de geskiednis hen altied n fel begeerd recht ewest.

Gekiednis bewark

Mangsmoal was et muntrecht et alleenrecht van den könning of keizer. Dizzen bepoalden hoo zwoar en van wat veur samenstelling ne munte mös wean en leet mangsmoal zien beeltenisse op de munte sloan as zeakerheid dat dizze ok warkelek de an-egovven weerde had. Bi-jkommend veurdeel was dat ziene underdöann wisten hoo-t e deruut zag.

Leenstelsel bewark

Ok in de tied van et leenstelsel blef in völle laanden et muntrecht et veurrecht van den könning, bi-jveurbeeld in Engelaand. Howal de feodale verdealdheid groot was en mangs de regerende femilie verskillen van meaning op et slagveld uutvocht wodden toch mangs neet an et muntrecht van den könning etornd.

Vastelaand bewark

Op et vastelaand was dat mangsmaol aanders, zo kreg bi-jveurbeeld de stad Görlitz et recht um munten te sloan. In et gewest Hollaand stoand de munte vanolds in de veurnoamste stad, Dordrecht an de Veurstroate. In Gelderlaand waren der de steadn Arnem, Batenburg, Borklo, Breevoort, Buren, Diern, Elburg, Harderwiek, Bargh, Huussen, Hulhuze, Moasbommel, Nimweage, Tiel en Zaltbommel dee muntrecht hadden.

Walvoart bewark

Et muntrecht was zo fel begeerd, umdat degene dee et hef ne anzeenleke moate van invlood oet kan oefenen op de menseleke walvoart en den handel. Mit de kumste van et papiergeld is dat feit eigenlek allenig moar starker ewödden, umdat deur den drökpers den geldveurroad noe noar believen beinvlood kon wödden. Toon et geld nog veurnoamelek oet munten mit n bepoald gewichte bestoand was den veurroad beskikboar muntmetale ne beparking woar ok den könning neet umhen kon.

Lieste van steadn met muntrecht bewark

Dit is ne lieste van steedn in et Nedersaksiese gebeed dee muntrecht hebt.

Gelderlaand:

Grönnen:

Oaveriessel:

Drenthe:

Uutgoande verwiezing bewark