Noordoost-Frieslaand

Noordoost-Frieslaand (officieel Fries: Noardeast-Fryslân) is een gemiente mit 45.251 (1 jannewaori 2020) binnen de gelieknaemige regio in Frieslaand, die op 1 jannewaori 2019 ontstaon is uut de gemienten Dongerediel, Ferwerderediel en Kollumerlaand en Nijkruuslaand.

Gemiente Noordoost-Frieslaand
(Vlagge van Noordoost-Frieslaand)	(Waopen van Noordoost-Frieslaand)
Lekaosie van de gemiente Noordoost-Frieslaand
Infermaosie
Perveensie	Frieslaand
Heufdplak	Dokkum
Geografie en bevolking
Oppervlak  - Laand  - Waeter	516,4 km² 374,67 km² 141,78 km²
Antal inwoners Inwoners per km²	45.251 (1 jannewaori 2020) 121 inw./km²
Koordinaten	53° 20′ N, 6° 0′ O
Officiële webstee [1]

Geschiedenis

In eerste instantie was et de bedoeling dat in de regio Noordoost-Frieslaand een nog grotere ni'je gemiente zol ontstaon uut de gemienten Dantumediel, Dongerediel, Ferwerderediel en Kollumerlaand. Vanof 1 jannewaori 2017 bin disse vier gemienten ambtelik fuseerd. Dantumediel doet liekewel niet mit an de bestuurlike fusie en zal nao de vorming van de ni'je gemiente diensten ofnemen zonder dat ze zels een ambtelik apparaot het.

Naeme

De naeme is op 30 meert 2017 keuzen deur de drie gemienteraoden, nao een volksraodpleging onder de bevolking waorbi'j de naemen Dokkumerlân, en Ie- en Lauwerslân de andere twie kaanshebbende naemen weren. De gemiente het gien officiële Nederlaandse naeme.

Waopen

Bi'j de gemienteraodsvergaodering van 2 jannewaori 2019 onthulde waornemend borgemeister Hayo Apotheker et ni'je waopen van de gemiente. Dit waopen het bovenin twie golvende balken in blauw en geel, die angeven dat et een kustgemiente is. Et overige diel is gruun, belaeden mit een goolden steern, die veurkwam in de waopens van de drie oorspronkelike gemienten. Et waopen wordt dekt deur een Friese grieteni'jkrone. Disse krone is overneumen van Kollumerlaand c.a. en Dongerediel.

Plakken

De gemiente bestaot uut de stad Dokkum en daornaost 52 dörpen. Diels bin de Friese naemen de officiële, diels de Nederlaandse.

Stad en dörpen

In de gemiente liggen de volgende officiële woonplakken (steden en dörpen):

Stellingwarver naeme Nederlaandse naeme Friese naeme Aalsum Aalsum Ealsum Anjum Anjum Eanjum Augsbuurt Augsbuurt Lytsewâld Birdaard Birdaard Burdaard Blije Blija Blije Bornwerd Bornwird Boarnwert Brantgum Brantgum Brantgum Burum Burum Boerum Dokkum Dokkum Dokkum Ee Ee Ie Engwierum Engwierum Ingwierrum Ferwerd Ferwerd Ferwert Foudgum Foudgum Foudgum Ginnum Genum Ginnum Hallum Hallum Hallum Hantum Hantum Hantum Hantumeruutburen Hantumeruitburen Hantumer Utbuorren Hantumhuzen Hamtumhuizen Hantumhuzen Hiaure Hiauare De Lytse Jouwer Hogebeintum Hogebeintum Hegebeintum Holwerd Holwerd Holwert Janum Janum Jannum Jislum Jislum Jislum Jouswier Jouswier Jouswier Kollum Kollum Kollum De Pomp Kollumerpomp Kollumerpomp Kollumerzwaog Kollumerzwaag Kollumersweach

Stellingwarver naeme Nederlaandse naeme Friese naeme Lichtaard Lichtaard Lichtaard Lioessens Lioessens Ljussens Marrum Marrum Marrum Metslewier Metslawier Mitselwier Muntjeziel Munnekezijl Muntsjesyl Moddergat Moddergat Moddergât Morra Morra Moarre Nes Nes Nes Niawier Niawier Nijewier Oosterniekark Oosternijkerk Easternijtsjerk Oostrum Oostrum Eastrum Ooldwoolde Oudwoude Aldwâld Paesens Paesens Peazens Raard Raard Raard Reitsum Reitsum Reitsum Ternaard Ternaard Ternaard Triemen Triemen De Trieme Veenklooster Veenklooster Feankleaster Waaxens Waaxens Waaksens Wanswerd Wanswerd Wânswert Warfstermeule Warfstermolen Warfstermûne Westergiest Westergeest Westergeast Wetsens Wetsens Wetzens Wierum Wierum Wierum Zwaogerbosch Zwagerbosch Sweagerbosk

Naost disse officiële woonplakken bin der nog een antal dörpen die (nog) gien officiële woonplak bin of buurtskappen die ok wel dörp nuumd worden kunnen: Oostmehorn, Ezumeziel, Tiltjeburen en Westerniekark.

Buurtskappen

Naost de officiële plakken en inkelde andere niet-officiële plakken bin der in de gemiente de volgende buurtskappen:

't Schoor Abbewier Bartlehiem (diels) Beintemehuus Betterwird Bollingewier Bonte Hond Bornwerdhuzen Boteburen Braandeburen De Dellen De Keegen De Kolk De Leegte De Riep De Wirden De Schaanze Diekshorne Dokkumer Ni'je Zielen Drieboerehuzen Groot Medhuzen

Halfweg Hallumerhoeke Haenenborg Hantumerhoeke Huus ter Noord It Paradyske Kettingwier Klein Medhuzen Kletterbuurt Kollumerooldziel Krabburen Leeglaand Lutkelaard Lutkewier Meulebuurt Ni'jlaand Oosterbeintum Ooldeterp Ooldwoolderzielen Reidswal Skarnehuzen

Sibraandehuus Stienharst Stienvak Stiem Teerd Teijeburen Tergracht (diels) Ter Lune Tibme Tilburen Vaardeburen Veldburen Viefhuzen (Hallum) Viefhuzen (Ternaard) Visbuurte Weerdeburen Westerburen Wie Wi'jgiest Zaandbulten Zeuvenhuzen

Daornaost leit een stuk van de streek Wildpad in de gemiente, et grootste diel leit in de gemiente Achtkarspelen, die op 28 meert 2019 besleut dat der eigen plaknaemborden kommen.

Tael

Op et grondgebied van de gemiente wordt veurnaemelik Fries praotn. De gemiente is de ienigste in de perveensie Frieslaand waor naost et Fries en et Nederlaands ok een Grunnings dialelt spreuken wordt: in de dörpen De Pomp, Muntjeziel, Warfstermeule en Burum wordt Kollumerlaands of Pompsters praot.

Uutgaonde verwiezingen

• Officiële webstee
• NEFnijs.nl - Ni'js uut alle dörpen in Noordoost-Frieslaand

Perveensie Frieslaand
Gemienten: Achtkarspelen · Amelaand · Dantemediel · De Friese Meren · Et Vene · Harlingen · Liwwadden · Noordoost-Frieslaand · Ooststellingwarf · Opsterlaand · Schiermonnikoog · Smallingerlaand · Terschelling · Tietjerksterediel · Vlielaand · Waddenhoeke · Weststellingwarf · Zuudwest-Frieslaand

Dit artikel is skreaven in et stellingwarvsk.