Vlielaand

Gemiente Vlielaand (Vlagge van Vlielaand) (Waopen van Vlielaand) Lekaosie van de gemiente Vlielaand Infermaosie Perveensie Frieslaand Heufdplak Oost-Vlielaand Geografie en bevolking Oppervlak  - Laand  - Waeter 315,80 km² 36,13 km² 279,67 km² Antal inwoners Inwoners per km² 1.152 (1 jannewaori 2020) 32 inw./km² Koordinaten 53° 28′ N, 5° 6′ O Oaverig Belangrieke verkeersaoders Veerdienst Harlingen - Vlielaand Netnummer 0562 Postkodes 8899 Officiële webstee www.vlieland.nl

Satellietfoto

Vlielaand (Nederlaands: Vlieland, Fries: Flylân) is vanuut t westen rekend t twiede bewoonde Nederlaandse Waddeneilaand. t Eiland vormt n eigen gemiente in de perveensie Frieslaand. In t zuden van t eilaand leit Tessel, in t oosten he'j Terschelling. Vrogger maekten Vlielaand diel uut van t gewest Texla.

Op 1 jannewaori 2020 had de gemiente 1.152 inwoners. In de gemiente leit amper ien dörp: Oost-Vlielaand (2004: 1.070 inwoners), t veurmaolige dörp West-Vlielaand is in 1736 in de zee verdwenen. Mit 31 inwoners per vierkaante kilometer is Vlielaand, op Schiermonnikoog nao, de dunstbevolkte gemiente van Nederlaand.

Geskiedenis

Vlielaand heurden tot 1942 bi'j de perveensie Noord-Hollaand, liek as t eilaand Terschelling. t Eilaand is, tiedens de Duutse bezetting, in 1942 deur de Duutsers bi'j Frieslaand indield, daornao is niet weerommedri'jd. t Eilaand het n lange tied allienig zaand west. Sund de twintiger jaoren van de 20e ieuw het Staotsbosbeheer west van Oost-Vlielaand n stok bos anlegd, zodat t dörp minder last van zaandverstoevings zol kriegen.

Tael

Hoewel Vlielaand now n Fries Waddeneilaand is wordt der gien Fries praot. t Oorspronkelike dialekt van Vlielaand, t Vlielaands, sleut veural an bi'j de dialekten van Texel en Noord-Hollaand. t Leek op t Tessels, mar onderskeidde zich dervan deur zien klinkers. De laeste spreekster, mevrouw Petronella de Boer-Zeylemaker, kwam in 1993 op 107-jaorige oolderdom uut de tied. Now wordt der allienig mar Nederlaands praot.

Topografie

Topografiese kaorte van Vlielaand. Klik op de kaorte veur n vergroting.

Perveensie Frieslaand
Gemienten: Achtkarspelen · Amelaand · Dantemediel · De Friese Meren · Et Vene · Harlingen · Liwwadden · Noordoost-Frieslaand · Ooststellingwarf · Opsterlaand · Schiermonnikoog · Smallingerlaand · Terschelling · Tietjerksterediel · Vlielaand · Waddenhoeke · Weststellingwarf · Zuudwest-Frieslaand

Dit artikel is skreaven in et stellingwarvsk, in de Algemene Nedersaksiese Schriefwieze.