Oost Gelre is ne gemeente in den Achterhook in de previnsie Gelderland. Bi-j de gemeenteleke herindeling van 1 jauari 2005 wodden de gemeentes Grolle (Groenlo) en Lechtenvoorde (Lichtenvoorde) bi-j mekare evoegd. Ok de dörpkes Mariënvelde en Zwolle wodden in de ni-je gemeente openommen. Mariënvelde, dat ok wal Achterzöwwent wod eneumd, was tot dee tied deel van de gemeente Reurle. Het dörpken Zwolle was eerder deel van de gemeente Eibergen. Officieel kreeg de gemeente de name "Groenlo" (Grolle), enuumd noar de enige plaatse met stadsrechten in de gemeente, moar de gemeente zelf neumden zich in 't begin "Groenlo-Lichtenvoorde" (Grolle-Lechtenvoorde). Een hierveur ingestelde commissie hef in april 2005 veur-esteld an de gemeenteroad om de gemeente de name Oost Gelre te geevn. Op 19 mei 2005 beslot de gemeenteroad dat de definitieve name van de gemeente Oost Gelre zol wean. In de Gemeentewet steet dat het dan nog minstens een joar mot duren veurdat de ni-je name ingeet. Vanaf 1 januari 2006 wodden geleidelek an de ni-je name Oost Gelre in-evoerd. Moar officieel heetten de gemeente toen nog eenga Groenlo. Sinds 19 mei 2006 is Oost Gelre de officiële name veur de gemeente. Het gemeentehuus van Oost Gelre steet in Lechtenvoorde.

Gemaente Oost Gelre
Vlagge van de gemeante Oost Gelre Waopn van de gemeante Oost Gelre
(Vlagge van Oost Gelre) (Waopen van Oost Gelre)
Lokatie van de gemeante Oost Gelre
Lokatie van de gemeante Oost Gelre
Informasie
Proveensie Gelderlaand
Heufdplaatse Grolle
Geografie en bevolking
Öppervlakte
 - Laand
 - Water
83,34 km² km²
83,07 km² km²
0,27 km² km²
Inwonners
Bevolkingsdichtheid
29.873 (1 jan 2008)
361 inw./km² inw./km²
Koordinaten 51° 59′ N, 6° 35′ O

Koördinaoten: 51° 59′ N, 6° 35′ O

Aoverig
Belangrieke verkeersaoders N18, N312, N313, N319
Netnummer 0544
Postkode 7130-7132, 7134-7137, 7140-7141, 7263
Offisiële webstie www.oostgelre.nl

Wonkernen bewark

De gemeente Oost Gelre besteet uut de volgende wonkernen:

Eefsele, Grolle (Groenlo), Harreveld, Lechtenvoorde (Lichtenvoorde) (gemeentehuus), Leeuweld (Lievelde), Mariënvelde, Vroagender (Vragender), Zöwwent (Zieuwent) en Zwolle.

Zettelverdealing gemeenteroad bewark

De gemeenteroad van Oost Gelre besteet oet 23 zettels. Hieronder steet de samenstelling van de gemeenteroad sund 2006:

Gemeenteroadszettels
Partij 2006 2010 2014
CDA 10 7 7
OOG 4 4 5
VVD 5 9 4
Nieuwe Liberalen Oost Gelre - - 2
PvdA 3 2 2
GGP-D66 1 1 1
Totaal 23 23 21