Paoshaoze
De paoshaoze of de paoskniende is in de protestanse tredisie een verzunnen kniende waorvan der an kienders verteld wönnen dat e paoseiers brengt mit Paosen.
In kattelieke gebieden (België, Frankriek en in 't zujen van Nederlaans-Limburg) vertellen ze de kienders dat de paoseiers deur de paosklokken ebröch wönnen. De klokken bin nao 't lujen tiejens 't Gloria van de Hoogmis op Witte Donderdag naor Rome vertrökken um daor de eiers te haolen. Disse klokken hemmen de vorm van karkklokken met vleugeltjes en vliegen deur de loch.
Deurdat de feesdagen zo commercieel ewönnen bin, wönnen zowel de eiers, haozen as de klokken veural as sukelaod verkoch.
Oorsprong
bewarkIezelig veul heidense gebruken waormee de weerummekeer van 't veurjaor evierd wönnen, bin in de gebruken van 't christelijke paosfees over-eneumen.
't Ei is 't symbool veur 't ontkiemende leven in 't vrogge veurjaor. De haoze is een van oorsprong heidens symbool en is altied een symbool van vruchbaorheid ewes.
Vrogger vunnen ze eiers in ouwe haozelegers en/of kniendeholen dee eleeg wönnen deur verschillende voegelsoorten, vandaor 't verbaand tussen paoshaoze en de eiers. Vrogger was 't de tied dat ze 't laand op gungen um te voerezeren.
Aandere veurbeelden van verzunnen feguren dee van doon hemmen mit de christelijke feesdagen bin Sunterklaos en de Karsman.