Fluithout

Fluithout (Sorbus) is een geslacht van bomen en heesters uut de rozefemilie (Rosaceae). 't Geslacht komt van oorsprong veur op 't noordelijk halfroend, veural in Europa en Azië. Veul soorten uut dit geslacht worren an-eplant as sierboom.

Wild fluithout

Zweeds fluithout

Deskundigen bin 't niet ees over 't antal soorten in dit geslacht; de antallen verschillen tussen de hoenderd en tweehoenderd. De oorzaak van disse verschillen leit 'm in 't feit dat een antal lokaole soorten ongeslachtelijk vortplant, dit wil zegen dat ze in staot bin zoender bevruchting zaod te zetten. De risselterende microsoorten worren deur d' een as echte soorten ezien, deur d' are egroepeerd in een veul kleiner antal variabele soorten.

Fluitjes van fluithout

Vrogger maakten kienders fluitjes van fluithout, vandaor dat 't oek fluithout heet. Op een riepe, of-esnejen zwieg sleugen ze mit 't hecht van een mesjen net zo lang totdat de schel losleut. Dat trökken ze der dan heel of um derop te fluiten of der aarten deurheen te blaozen. Bie 't tikken op de schel zungen ze een bezweringsveersjen (in Niejleusen zungen ze bieveurbeeld: Sap sap sieppien, wanneer bin ie riepe). Der bin in Nederland en in Duutsland een kwak Nedersaksische varianten van dit veersjen; een paor vie-j der in 't artikel Nedersaksische volksleidjes.

Soorten

In Nederlaand en België is alleen de wilde fluithout (Sorbus aucuparia) in-eburgerd.

Een paor are soorten:

• Breedblaojig fluithout (Sorbus latifolia)
• Elsbees (Sorbus torminalis)
• Finse meelbees (Sorbus hybrida)
• Edeelde meelbees (Sorbus ×thuringiaca)
• Meelbees (Sorbus aria)
• Peervormig fluithout (Sorbus domestica)
• Zweeds fluithout (Sorbus intermedia)

Nedersaksisch

• Drèents: (woorden veur de boom, de vrucht en 't holt)
  • kliesterkral, kliesterbaai, liesterkral, liesterbaai (boom en vrucht)
  • sapsiep, sapsappiepiesboom (boom)
  • sapsiepbei(e) (vrucht)
  • siepsapsiepiesholt (holt) (een siepsapfluitien is een fluitien van 't holt)
  • obbenholt (holt) (Ni'jlusen; obben of oppen bint fluities van 't holt)
• Stellingwarfs: sepiepenboom
• Veluws:
  • fluithout (Putten, Armelo, Uddel)
  • liesterkrallen (Nunspeet, Emst, Klanenbeek, Apeldoorne)
  • liesterbe(e)s, -beze
  • liester (Elburg, Vaossen, Une)
  • kreienbes (Barreveld)
• Overig: opzeuken

Commons: Fluithout - plaatjes, filmkes en/of gelüüdsbestanden.

Disse pagina is eschreven in 't Putters