Stichting Sasland

De Stichting Sasland is een stichting veur 't anfietern van belangstelling veur en kennis van taal en cultuur in 't Nedersaksische taalgebied.

Bestuur

De stichting wördden op 9 meert 1965 opericht deur onder aandern Hendrik Entjes, Klaas Hanzen Heeroma en Simon van Wattum. Ze is evestigd in der Stellingwarver plaatse Oosterwoolde. Per 2020 zit in 't bestuur: Perf. em. Dr. Hermann Niebaum (ereveurzitter), dr. Henk Nijkeuter (veurzitter), dr. Henk Bloemhoff (siktaoris-ponghoolder), dr. Philomène Bloemhoff-de Bruijn, dr. Jan Nijen Twilhaar en dr. Harrie Scholtmeijer.

Bezigheden

Vandage de dag is Sasland bename doende mit onderzuuk en 't uutbrengen van publicaties, zoas (vanof 2020) 't Jaorboek Nedersaksisch. De jaorboeken hangt samen mit 't mit deur Sasland sinds 2019 de mieste jaoren eholden Nedersaksisch symposium. Deur Sasland ondersteunde boekpublicaties bint onder meer de gedichtenbloemlezing Verrassend Nedersaksisch (2010), de prozabloemlezing Gloepends mooie verhalen (2014) en Introduction to Dutch Low Saxon. Language and Literature (2020).

Uutgaonde verwiezings

• Webstee van de Stichting Sasland

Dit stok is eschreven in 't Zuudwest-Drèents.