Adam-en-eva (Orchis morio)
De adam-en-eva of harlekijn (Orchis morio) is een plaantesoorte dee wettelijk bescharmp wonnen in Nederlaand en steet op de Nederlaanse rooie lieste van plaanten as iezelig zeldzaam en stark of-eneumen. De plaante kump veur in Zuud-Europa en Midden-Europa. In Nederlaand kump disse plaante veurnamelijk veur op de waddeneilanen.
De plaante wonnen ach tot dartig centimeter hoge. De ongevlekken blaojen bin lochgreun en langerek. De onderste blaojen bin erangschik in een rozet en de bovenste blaojen bin stengelumvattend.
De adam-en-eva bleuit in Nederlaand van 't einde van april tot an 't begin van mei en heel soms oek 's harres. De bloeme kan nogal es verschilllen van kleur, van donkerpurper tot roze of wit. 't Spoor is horizontaal of iets umhoogwiezend en korter as 't vruchbeginsel. De kelk- en kroonblaojen vormen een breje helm. De ziejelingse kelkblaojen hemmen greune narven, waoran de plaante te herkennen is. De lippe hef dreje lobben, op de middenlobbe zitten een antal donkerpaorse stippen.
De plaante kump veur op vochtige, vrie voedselarme grond in leeg greslaand.
Namen in aandere talen
bewark- Nederlaans: harlekijn
- Duuts: Kleines Knabenkraut
- Engels: Green-winged orchid, Green-veined orchid
- Frans: orchis bouffon
- Latien: orchis morio
- Achterhooks:
- handekeskruud (Lochem)
- Drèents:
- harlekijn
- harlekijnorchis
- orchidee
- Grunnegs:
- harlekijn
- harlekien (Haauwerziel)
- orchidee
- Sallaans: harlekijn
- Veluws:
- harlekijn
- adam-en-eva
- orchidee
Uutgaonde verwiezing
bewark
|
Commons: Orchis morio - plaatjes, filmkes en/of gelüüdsbestanden. |
|
Disse pagina is eschreven in 't Nunspeets |