Afrikaon

Afrikaon (Tagetes) is een geslacht eenjaorige planten uut de composietefemilie (Compositae of Asteraceae). Der bin veule tientallen soorten die inheems bin in de warmere streken van Midden-Amerika, veural Mexico. De naam "Afrikaon" is dus eigenlijks verkeerd.

Afrikaon

Tegesworig is de Afrikaon een bekende tuunplant. An 't eind van de 16e eeuw werden de soorten T. patula en T. erecta in Europa in-evoerd. Sinds die tied bin der veul hybriden verschenen.

Kweek

Afrikaonen een hen maotig voedselrieke groend neudig en veul zon. Op een halfbeschaoduwde plek kunnen de planten oek goed greuien. Een vochtige, mar goed deurlaotende groend is belangriek veur de ontwikkeling. 't Planten moet edaon worren in 't vrogge veurjaor. De geur van disse plant houdt wurmpjes en are oengedierte vort.

Soorten

Een selectie van de soorten:

• T. tenuifolia: tot 60 cm hoog, slanke stengels, fien verdeelde blaojen, gele bloemen van juli tot september.
• T. t. pumila: compacte dwaargvorm van bovenstaonde soort.
• T. erecta: tot 80 cm hoog, diep in-esnejen blaojen die aarg geurig bin, oranje bloemen die bleuien tot in de haarfst.
• T. patula: tot 30 cm hoog, diep in-esnejen blaojen, bruunrooie bloemen van juni tot laot in de haarfst.

Foto-uutstalling

• 
  T. lemmoni
• 
  T. patula
• 
  T. tenuifolia
• 
  T. × erecta

Commons: Afrikaon - plaatjes, filmkes en/of gelüüdsbestanden.

Nedersaksisch

Commons: Afrikaon - plaatjes, filmkes en/of gelüüdsbestanden.

• Drèents:
  • afrikaan, afrikaon, aofrikaon(e), afekaon
  • tulitaon, tudeltaontjes, tuletaonen, tuultaonties, tudeltaon(en)
• Stellingwarfs:
  • afrikaantien, afrikaontien
  • tuunkaone
• Urkers: afrikaontje
• Veluws:
  • afrikaon, afrikaan (oek as verkleinwoord)
  • aofrikaontjes (Bunsjoten)
  • stinkende gouwe (Niekark)
  • goudsbloemen (Schaarpezeel)
• Overig: opzeuken

Disse pagina is eschreven in 't Putters