Boergondisch (tael)

Et Boergondisch is een uutsturven Oost-Germaanse tael die spreuken wodde deur de Boergondiërs.

Et was een levende tael in de vrogge middelieuwen en wodde doe in Zuudoost-Gallië spreuken deur de Germaanse minderhied, die de heersende klasse in dat gebied was. Disse tael is lichtkaans al veur et jaor 700 uutsturven, doe de Germaanse minderhied et Gallo-Romaanse dialekt van de meerderhied van de bevolking overnam.

Et Frankisch-Comptoise dialekt van et Fraans is verwaant an et Boergondische dialekt, dat spreuken wodt in Boergondië, en wodt zien as een diel van de Boergondische groep van de Gallo-Romaanse dialekten.