Sevenem

Sevenem is ne stad en vroggere gemeente in Nederlands-Limburg. De stad heurt sund 2010 bi'j de gemeente Horst an de Maas. Sevenem ligt an de raand van den Peel.

Sevenem
stad in Nederlaand
(Vlagge van Sevenem)	(Wapen van Sevenem)
Bestuur
Provinsie	Limburg
Gemeente	Horst an de Maas
Geografie en bevolking
Öppervlakte - Laand - Water	48,66 km² 47,97 km² 0,69 km²
Inwonners - dichtheid	7.693 (30 juni 2008) 160 inw./km²
Koordinaten	51° 25′ N, 6° 2′ O
Aoverig
Netnummer	077-467....
Postkode	5975
Offisiële webstae
www.sevenum.nl

Et centrum van Sevenem-darp

Geskiedenis

Vanof olde tieden is Sevenem n boerndarp. Al in et bronzen en iezeren tiedpark was doar sproake van bewonning, wat blik uut n antal vondsten uut dee tied. Et oldste skrift woarin Sevenem wöd geneumd is nen ofloatbreef uut 1317 dee ok den patroonheiligen van de karke neumt: Fabianus en Sebastianus.

Heerlekheid

In 1674 wodden Sevenem ne zelfstaandege heerlekheid, dee beheurden bi-j et Oaverkwarteer van Gelre of Spaans Opper-Gelre. Tiedens den Spaansen Suksessieoorlog wodden et deur Prusiese tröppe bezet, en zo blef et as deel van Prusies Opper-Gelre rundumme ne eeuwe lange Duuts (tot 1814). In 1836 lukken et de inwonners van Sevenem wier um ne zelfstaandege gemeente te wodden.

Vanof 1745 wodden (eerstmoal kleinschoalig) an-enevangen mit et ofgroaven van de wooste groanden. Vanof 1938 wodden et ofgroaven groot an-epakt, hierdeur ontstaond n ni-j karkdarp: Evertsoord (op-eleaverd in 1959).

Teggenwoordeg

De vroggere gemeente Sevenum bestaond oet Sevenum, Krönenbarg en Evertsoord. Sund 2010 is de gemaente op-egaone in de gemaente Horst an de Maas. In meert 2008 blek uut n referendum dat 59% van de inwonners der den veurkeur an gaf neet meer zelfstaandeg te blieven. Daornao is Sevenem mit de gemeente Horst an de Maas, de darpen Meerlo, Tienraij en Swolgen samen egaone onder de bestaonde name van de gemeente Horst an de Maas, dee daormet völle groter is eworden. De gemeente Sevenem had ne oppervlakte van 45,62 km² (woarvan 0,16 km² water), en was veur 80% laandbouwgroond.

Dialekt

Sevenum ligt vlakbi-j et sniepunte van de Uerdinger liene (ik/ich) en de koud/kalt-isoglosse. Doarmet is et Sevenems n oavergängsdialekt tussen Noord-Limburgs, Limburgs en Braobants. Zee ok dizze kaarte van et Kleverlaands.

Streektaal.net rekkent Sevenem-darp en Krönenbarg nog tot et Limburgs, moar Evertsoord al tot et Noord-Limburgs.

Karke Sevenem

De karke van et darp Sevenem is ebouwd tussen 1954/1955. De karke was kloar op 15 oktober 1955. Den name is H.H. Fabianus en Sebastianus. De Sevenemse karke is ne provinsioal en gemeentelek monument.

Wettensweerdegheden

• Volgens n joarleks statisties underzeuk is Sevenem noo de kindvriendelekste gemeente van Nederlaand (2008)
• Sevenem döt met an den nasionoalen greunwedstried Entente Florale 2008

Uutgoande verwiezing

• www.sevenum.com