Sint Jansklooster

Sint Jansklooster (plaetselik: 't Klooster) is een dörp in de Kop van Overiessel. Et leit tussen Vollenhove en Meppel. Sint Jansklooster is vernuumd naor et konvent op de Sint Janskaamp, een klooster dat in 1399 sticht wodde deur de blinde Jehannes van Ommen. Et Sint Jansklooster wodde in 1581 verwoest tiedens de Tachtigjaorige Oorlog.

Et dörp mit de omliggende gebieden wodt Ambt Vollenhove nuumd en leit in et Laand Vollenhove. Sund 1 jannewaori 2001 heurt et bi'j de gemiente Stienwiekerlaand. Sint Jansklooster het omdebi'j 1.500 inwoners. De bekendste veurmaolig inwoner van et dörp is Evert van Benthem, twievooldig winner van de Elfstedetocht. In et dörp staot een stellingmeulen uut 1857, de Monnikenmeulen en een tjaskermeulen, De Foeke.

Sint Jansklooster vaalt onder et gebied van Vollenhove, ok wel Laand Veno nuumd. Aandere streken van Laand Veno bin Barsbeek, Heetveld, Leeuwte, Moespot, Kedoelen en De Krieger.

Bloemekorso

Et dörp is in de wiede omkrieten bekend deur et grote bloemekorso, dat der elk jaor op de dadde vri'jdag van augustus hullen wodt. Dit korso trekt dan ok duzenden belangstellenden. De plaetselike bewoners bin maonden van te veuren al mit de veurbereidings doende. Veur de versiering van de metershoge praolwaegens wodden heufdzaekelik dahlia's bruukt. De hoeveulhied dahlia's verschilt van 120.000 tot 450.000 stuks per korsowaegen. Et korso trekt op de dadde vri'jdag van augustus deur Sint Jansklooster.

Karkelik leven

Et dörp het vier karkegebouwen:

• Kristelik Griffermeerde Karke (Meulestraote)
• Griffermeerde Karke (Leeuwte)
• Griffermeerde Karke vri'jmaekt (Kedoelen)
• Hervormde Kapel (in gebruuk neumen in 1909), heurt bi'j de Hervormde gemiente Vollenhove binnen de Protestaanse Karke in Nederlaand. (Meulestraote)

Bezukerscentrum De Wieden

Buten Sint Jansklooster leit et Bezukerscentrum De Wieden van Netuurmonementen.

Uutgaonde verwiezings

• Theaterkorso Sint Jansklooster
• Hervormde Gemiente Vollenhove-Sint Jansklooster
• Sportverieniging VHK
• Kr. meziekverieniging SDG

	Plaatsen in de gemiente Stienwiekerlaand
	Steden: Stienwiek · Veno Dörpen: Belt-Schutsloot · Blankenham · Blokziel · Iesvene · Gietern · Kallenkote · De Kuunder · Oldemaark · Ossenziel · Scheerwolde · Et Klooster · Stienwiekerwoold · Wannepervene · Willemsoord (diels) Buurtschoppen: Baarlo · Baors · Basbeke · Basse · Basserveld · Blauwe Haand · De Bulte · Deusien · Dinxtervene · Dwarsgrachte · Eese · Heetveld · Jonen · Kadoelen · Kaelenbarg · De Klosse (diels) · De Krieger · De Kolke (diels) · Leeuwte · Mari'jenkaampen · Moespot · Meulehoeke · Moggenbeet · Nederlaand · Onna · Paosloo · Poepershoeke · De Polle · Roekebosch · Ronde Blesse · Ronduute · Thij · Tok · Iesselham · Westende · Wetering · Witte Peerden · Zuudaende · Zuudvene Vroggere gemientes: Briederwiede · Iesselham · Stienwiek Oaveriessel · Steden en dörpen in Oaveriessel      Nederlaand · Previncies · Gemientes