Kadoelen (Overiessel)
Kadoelen is een buurtschop en laandgoed in de gemiente Steenwiekerlaand, in de Nederlaandse perveensie Overiessel. Et lig tussen Veno en Et Klooster en heurden oorspronkelik bi'j de havezate Oldenhof.
De naemen van de stokken van et laandgoed bin achterienvolgens et Rondebos, Huttenbossien, Carolinakaamp en -bos en Engelenburgbos. In 1894 bin de beuken op de singels eveld en bin d'r ieken in-epoot. Disse naemen staon op kaorten uut die tied.
Teugen de Kadoelerweg is de Ketelkaamp, waorin vrogger een doolhof, et Braandbos en de boerderi'je Kampererve laggen. Teugen et Sniedersweggien lig et Middelbos. Hierachter liggen et Berend Lucasbos en de Lege Rommelhagen an de Halligersteeg mit de Hoge Rommelhagen en de boerderi'je de Halle. Ten noorden hiervan lig et Tabaksbos an et Krommesteegien. Véur de tingwoordige dam naor et veurplein lig et Engelse bossien of Engelse wark. In de Peerdeweide staot een doeventil.
Iene boerderi'je die vrogger in Kadoelen stund, kuj tingwoordig in et Nederlaands Openlochtmuseum bekieken.
In de buurte van Kadoelen lig et Kadoelermeer.
Uutgaonde verwiezing bewark
 | Plaatsen in de gemiente Stienwiekerlaand |  | ||||||||||||
|---|---|---|---|---|---|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||||||||
|
Dit stok is eschreven in et Stellingwarfs van Stienwiekerlaand. |