Broeklaand (Roalte)

	Broeklaand
	karkdoarp in Nederlaand
Broeklaand (Oaveriessel) Broeklaand	Broeklaand
	Broeklaand
	Oaveriessel
	Bestuur
Provinsie	Oaveriessel
Gemeente	Roalte
	Geografie en bevolking
Inwonners;	1200 (?);
Koordinaten	52° 22′ N, 6° 12′ O
	Aoverig
Netnummer	0570
Postkode	8107
	Offisiële webstae
	www.raalte.nl

Broeklaand is n koarkdoarp in de Sallaandse gemeete Roalte. t Hef roem 1200 inwonners en lig tusken Roalte, Wieje en Olst.

Broeklaand hef n antal vuurzeningn as ne bookhalle, ne legere skole en nen sporthal. In middeln van t doarp steet de Marcellinuskarke, n kafee en verskeaidene weenkels, zo as nen supermoarkt en nen bakker. Elken deenksdag is dr moarkt op t Bouwhuusplein. Vuurjoar 2005 hebt ze t hele sentrum an epakt. De Van Dongenstroate is vanniejs inricht ewördn, en de koarke met de kenmoarkende eekn dr vuur, hef ne eegntiedse anblik ekreegn.

Duur Broeklaand löp ene busliene (liene 563). Dissen löp van stasjon Roalte, duur Broeklaand noar stasjon Wieje.

Geskiedenisse

1912 wördn n sentrum emaakt in de (toen nog) boerskop Broeklaand, duur de Marcellinuskoarke in te wiedn. t Was töt dee tied nog n gewoon brook (leeglaand) met n antal boerderiejn met doar umhen meidoornheagn en hooltwaln. Nen klookn boer har in 1911 n kruudnweenkelske/kafee ebouwd pal nöast de koarke. Recht teegnoawer de koarke köm nen weenkel en koffiehoes.

BIB

Broeklaand hef n eegn blad, t Broeklander Informatie Blad (BIB) met gegeewns oawer vergoaringn, biejeenkomsten en aktiviteitn van Broeklaanderse vereanigingn. t Wörd per uutgave 840× drok.

Sport

Sportveraniging Broekland hef n eegn sportterrein met sporthalle en kantiene. Ze doot dr voetbaln, haandbaln en tennisn.

Doarpsfeeste

Broeklaanderfeest. n Feest wat veer deage verdan geet in t eerste wekneande van n bouwvak. Ze hebt dr kaarmse en dr steet ne feestteante vuur optreadns en aktiviteitn.

Kole Kermse. Dit feest doert dree deage en wörd eheuldn in meart. Hiervuur hebt ze ook wier ne teante vuur verskeaidene bands.

Broekrock. n Tweedeagns popfestival, wat vanof 1988 alle joarn heuldn wörd in september.

In de beuke

Bouwhuis, Anton. "Broekland, Van boerschap naar kerkdorp". Broekland, 1988.

Plaatesn in de gemeente Raolte

Heufdplaats: Raolte Dörpen: Broeklaand · Heeten · Heino · Leeg Zuthem · Lierderholthuus · Luttenbarg · Mariënheem · Ni'j-Heeten
Buurtschoppen: Boetele · De Hooge Wegen · Schoonheten

Oaveriessel · Steden en dörpen in Oaveriessel Nederlaand · Previncies · Gemientes