Haalfweg

Haalfweg is een buurtschop in de gemiente Stappest in de Nederlaandse pervincie Oaveriessel. De buurtschop lig in 't noorden van de gemiente, in 't Stappesterbos bi'j de grèenze mit Drenthe.

Brogge oaver 't Drèents-Oaveriesselse grèensreviertien de Riest, bi'j Haalfweg-De Wiek

't Centraole punt in Haalfweg is eetkefee "Het Vergulde Ros". Vrogger waren d'r ok een meule, een zuvelfebriek en een warme bakker.

Vanuut 't dörp Stappest kooj via Haalfweg an 't dörpien De Rieverst. Aj op de krusing in Haalfweg linksof slaot, kooj oaver de Riest en via 't Tolhuusien van 't laandgoed Dickninge op 't Drèentse dörp De Wiek.

't Eetkefee is mit bekend deur de anwezigheid van een eileuversnöst op 't dak, daoras alle jaoren een eileuverpaar bröd. Dichtebi'j hej 't eileuverstesjon De Lokkeri'je, daoras alle jaoren tientallen eileuvers heur eier uutbruudt. In augustus kuj in de umgeving vake hiele parti'jen eileuvers antreffen, veurdet die naor 't zuden vliegt veur de oaverwintering.

	Plaatsen in de gemiente Stappest
	Hoofdplaats: Stappest    Dörpen: Roevène · De Rieverst Buurtschoppen: Haalfweg · Hamingen · Lankhorst · De Leijen · De Lichtmis (deels) · De Punt · Slingenbarg (deels) · Westhuzingerveld (deels) Oaveriessel · Steden en dörpen in Oaveriessel      Nederlaand · Previncies · Gemientes

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.