Haorste
Haorste (Zwols: Öörst, [œːʀst]) is een buurtschop en buurt in de gemiente Zwolle. Haorste lig in de wiek Vechtlaanden en maakt daor samen met Brinkers-oeke en Langen-olte diel vanuut. In 2017 ad Haorste 265 inwoners op een gebied van 13,10 veerkante kilometer. De buurt Haorste is met een bevölkingsdichtheid van 20,2 dunbevolkt. In Haorste woont veural boeren. Ten oosten van de A28 lig de polder Haorstermärkte. Töt 1 augustus 1967 beheurden Haorste töt de gemiente Zwollerkärspel. Zo midden in de buurt lig de egräven Bomhofsplasse. In et westen löp de Vechte.
| Haorste | |||||
Buurtschop en buurt in Nederlaand 
| |||||
| |||||
| Bestuur | |||||
| Provinsie |  Oaveriessel
| ||||
| Gemeente | Zwolle | ||||
| Geografie en bevolking | |||||
| Öppervlakte - Laand - Water |
13,10 km² 11,98 km² 1,11 km² | ||||
| Inwonners - dichtheid |
280 (2019) 23 inw./km² | ||||
| Koordinaten | 52° 32′ N, 6° 8′ O
| ||||
| Aoverig | |||||
| Netnummer | 038 | ||||
| Postkode | 8035 | ||||
| |||||
Geschiedenisse
bewarkIn 1381-1388 kump de näme Haorste veur as Haerste en in 1665 as Haerst. De näme wördt ouk wel upevat as haar-sete, en nederzetting bi'j en haar, maar is eigenlik een variaant van hörst. Een haar is een 'zandige rugge', een hörst is een begruuide heugte.[1][2]
Bi'j de Bomhofsplasse in Haorste bint in 1988 en 1989 resten van Neanderthalers evunnen. Een bewärkte vuurstienen voestbiele uut et Vrog-Weichselien is er ook evunnen. Disse voestbiele is meer as 74.000 jaor old. Et blik een slim zelseme vondst te wean die bewiest dät er al meansen (gien Homo sapiens, de medärne means) waren in et Vechtdal veurdät er hier medärne meansen waren[3].
Vrogger was Haorste zompig. In de winter stund het gebied nog wel iens onder wäter, maar in de zommer ko-j er onder aandere koeën vinden. In de jaoren twintig en därtig is het moerassige laandschop verdwenen deurdät de Ofsluutdiek en et gemaal Streukelerziel ebouwd wieren.[4] Nao de Twiede Wereldoorlog bint er tal van boederi'jen ebouwd in Haorste umdet et gebied now dreuger was.
Op de olde zaandrugge (de Doornweg volgt disse zaandrugge) bi'j Haorste ku-j olde Saksische boerderi'jen vinden. Disse zaandrugge is ok de ontginningsas ewest van et gebied.[5] Het gebied tussen de A28, de zuudelike Roetenweg en de Stienwetterink is as veldontginning ontstaone.
Baodem
bewarkVrogger toen as de Ofsluutdiek en et gemaol Streukelerziel nog niet bestunden, was Haorste een zompig gebied (broeklaand). Er was hier vrogger ok een broekbos te vinden. De grond is in dielen van Haorste moerig, zo umsgelieks ten noorden van de Bomhofsplasse. Ten zuden van de Bomhofsplasse ku-j eerdgrond vinden, ten westen vaaggrond (kalkloos). Körtbi'j de ofslag Ommen he-j nog een klein stokkien podzolgrond. In het noorden he-j ok nog (eerd)veanegrond. Aandere gronden die a-j in Haorste vinden kunt bint rauwveanegrond en humuspodzolgrond. [6][7]
De Roeten bint een kwel gebied.
Beziensweerdigheden
bewarkGalleri'je
bewark-
In Haorste bestiet de baodem uut zowel veane as uut zaand. Op Hasselt an bestiet de baodem uut veane, in Haorste en bi'j verzörgingsplaats Haorste bestiet de baodem juust uut (dek)zaand. Haorsterbroek is een oaverganksgebied. De miest linker veanpröp is niet bezaand tiedens de ontginning. Hoe wieder nao rechts hoe meer zaand toe evoegd isse. -
Graf van Lepejou -
Verzörgingsplääts Haorste an de A28 -
Verwiezings
bewark- ↑ Zoekresultaten.
- ↑ Zoekresultaten.
- ↑ Atlas van de Vecht, https://issuu.com/provicieoverijssel/docs/atlas_van_de_vecht_lr/56
- ↑ http://www.plankenloodsje.nl/water.htm
- ↑ Omgevingsvisie Zwolle. Omgevingsvisie: Mijn Zwolle van morgen, bijlagen https://www.zwolle.nl/sites/default/files/ontwerp-omgevingsvisie-bijlagen.pdf
- ↑ Atlas van Oaveriessel: baodemkaorte
- ↑ Atlas van Oaveriessel: Geomorfologische kaorte
|
Dit artikel is eskreaven in et sallandsk. |
| | Pläätsen en buurtskoppen in de gemiente Zwolle |  | |||||||||
|---|---|---|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | |||||||||||