Hoog Soeren

Hoog Soeren is n darp in de gemeente Apeldoorne, in de Nederlandse provinsie Gelderland. t Darp ligt in t westen van Apeldoorne in n bosrieke umgeving, en hef umdebie 245 inwoners (2008).

t Darp ligt 85 meter boven NAP. Landelik ezien is t sentraal elaegen, vief kilometer ten westen van de stad Apeldoorne.

Bosrieke umgeving

t Darp is umringd deur de bossen van de Koninklike Houtvesterieje t Loo en kreeg van de gemeente Apeldoorne de staotus 'bescharmd darpsgezichte', disse staotus kreeg t ok in juni 2012 van t riek.

Veural in t waekenende bezuken toeristen t in n bosrieke umgeving elaegen darp. t Darp Hoog Soeren ligt te midden van de bossen van de zudelike Kroondomeinen. De noordelike Kroondomeinen liggen ten noorden van de Amersfoortseweg. Hierin staon onder andere t Koninklik Paleis "t Loo". Op wandelingen deur de uutgestrekte bos- en heedvelden bint vake harten en wilde varkens te zien. Saovends ku'j ok wel vossen of dassen tegenkommen. Sarres ku'j der t "burlen" van de harten heuren, as teken dat de bronsttied is an-ebroken.

Zandwaegen

t Darp Hoog Soeren hef mar drie waegen die n eigen name hebt. De weg vanuut Apeldoorne heet Soerenseweg. Disse weg geet in t darp over in de Pomphulweg. De Kampstege löp vanof de Amersfoortseweg t darp in. De overige waegen bint goed onderhouwen mar onverharde wegen, die gien eigen name hebt. n Adres wordt an-eduud mit de darpsname, evolgd deur t huusnummer.

Foto-uutstalling

• 
  Boswachterswoning (19e eeuw)
• 
  Woning "Mjölnir" (1905)
• 
  Paula in kamerjas van Maïté Duval
• 
  'De Roode Pan' (umstreeks 1915)
• 
  Kapel (1904)

Uutgaonde verwiezingen

Commons: Hoog Soeren - plaatjes, filmkes en/of gelüüdsbestanden.

• Darpsraod Hoog Soeren

Gemeente Apeldoorne
Stad Apeldoorne Darpen: Bekbargen · Hoenderloo · Hoog Soeren · Klarenbeek · Loenen · Uddel · Ugchelen · Wenum-Wiesel Buurtschappen: Assel · Beemte-Broekland · Engeland · Gerritsflesch · Grunendaal · De Haere · Hoog Buurlo · De Jonas · De Krim · Lieren · Meerveld · Niej-Milligen · Oosterhuzen · Radio Kootwiek · Weuste Hoeve

Dit artikel is eskreaven in et oustveluwske dialekt van Apeldoorne, in de Algemene Nedersaksiese Schriefwieze.