Heufdmenu losdoon

Wenum-Wiesel is een darp in de gemeente Apeldoorne in de Nederlanse previnsie Gelderland. 't Lig in 't noorden van de gemeente, tegen Vaossen an. Wenum-Wiesel wödt in tweeën edeeld deur de Zwolseweg (Apeldoorne-Vaossen). An de oostkante lig Wenum en in 't westen lig Wiesel. Der woont op begin 2007 in Wenum-Wiesel 2.200 mensen, waovan der 1.150 in Wenum en 1.050 in Wiesel. Dit is over een oppervlakte van 31 km². Hiervan is meer as de helfte bosgebied.

In Wenum dut ze veural nog an landbouw. 't Gebied is vanof de Zwolseweg tot an 't Apeldoorns Kenaal. In dit gebied zit veural boeren- en andere bedrieven, waoronder slotenfabrikant Nemef.

In Wiesel bint der een paor horecagelegenheden. Hier wonen vrogger de arbeiders die op 't naobie-elegen Paleis Het Loo warken. Wiesel grenst an de Kroondomeinen. In 2001 is Wiesel an-ewezen as beschärmd darpsgezichte.

't Grote feest in Wenum-Wiesel is ok nog altied 't jaorlijkse Oranjefeest op 31 augustus. Ze herdenkt dan de verjaordag van Koneginne Wilhelmina, die op Het Loo wonen.