Oma

ne Oma of grotmoo (mangs oet esprökn as gropmoo en mangs as grotmoo) is ne vrouwe den at de moo is van oew vaa of moo. Zinnen kearl of leawnsgezel is oewn grotvaa. Iederene hef veer geneetise grootooldn. n Naam oma (in alle Tweantse lokale variaantn) wörd ook vake as skeeldnaam gebroekt vuur meakns of vrouweleu dee't nöalt, of dee't eulder kuiert as wat ze beent, of vuur ene den at n aander (onterecht) de wacht anzeg.

De moo van ne grotmoo wörd oawergrotmoo eneumd. Den zin moo het bet-oawergrotmoo.

Umdet iederene aait veer geneetiese grootooldn hef, krig ieder stel grootooldn vake nen naamn dr bie um ze oet mekoar te hooldn. Det kan met n vuurnaam wean (bievuurbeeld Oma Janna en Oma Mina), of n achternaamn (biev. Oma Waanders en Oma Dekker). As de grootooldn in verskilnde plaatsn wont, köant ze ook n naamn van de plaatse kriegn (biev. Oma Wierdn en Oma Eanter).