't Klepperklömpke

Welkom bie Wikipedia! Welkom 't Klepperklömpke! Um joe een bietjen wegwies te maken mit et schrieven van artikels, he'w hieronder een paor tips en verwiezingen neerezet: De belangriekste informasie over Wikipedia ku'j HIER vienen, of deur op "Gemeynskapsportaal" in et menu links van et scharm te klikken. Wees veurzichtig mit et wark van aandere luui. In de zaandkule ku'j een bietjen oefenen. A'j denken dat iets verkeerd is, kiek dan earst op de overlegziede um te kieken o'w et der niet al es eerder over ehad hebben. De overlegziede vie'j boven an elk artikel as ampart tabblad. De naam van een ziede ku'j veraanderen deur naor "Meyr" te gaon, en vervolgens op de verwiezing "Hernömen" te klikken (allinnig naoda'j joe eigen an-emeld hebben). Zo blif de geschiedenisse beweerd. De geschiedenisse van een ziede ku'j oek bekieken deur op et tabblad "Geskydenisse bekyken" te klikken. Jie kunnen berichten ondertekenen mit vier golfstreepjes (dus: ~~~~). Wat de spelling angeet, zie spellingsrichtlienen. Deur regelmaotig bie "Lätste wysigingen" te kieken, blief jie op de heugte wat der veerder allemaole op onze Wikipedia gebeurt, en ku'j beter en vlotter reageren op niejs en nieje ontwikkelingen. Wulen hopen da'j net zo veule schik hebben van Wikipedia as ons! A'j veerder nog vragen hebben kom dan gerust langes in de praothoek.

Iekus

Moi klepperklömpke,

Ik zee a'j dr woark/waark van hebt emaakt. Mooi de'j oew keenderbook nen plek gunt op oonze wikipedia. Det kan prima, mer iej mut wal n betn de wikistiel anhooldn, t blif wal ne ensyklopedie en ginnen reklamepoer. Ik zal dr oe wal met helpn. Vie hebt ne aparte stea vuur niejsberichte. Goodgoan, en nog völle wille hier. Woolters (overleg) 19:03, 15 nov 2011 (CET)

Ik hebbe oe t artikel oonder haandn enömn. Op wiki heurt allene dreuge informasie te stoan. t Niejsbericht steet op t Vuurblad (Det kö'j veendn in n leenkerbalkn hiernöast). Oew artikel he'k herneumd noar Ik hete IEKUS. Dee titel is wat makkeliker te skriewn hier op wiki, en ook makkeliker te onthooldn as -"Ik hete IEKUS". keenderbook.- Kiekt mer es o'j t dr met eens zeent. Woolters (overleg) 20:16, 15 nov 2011 (CET)

Skriewn

Moi Klepperklömpke, Iej hebt de skriefwieze van "van 'n stuk" en "löp 't" veraanderd in "van' stuk" en "löp't". A'j de zin goat oetpluuzn is t /van een stuk/ en /löp het/. Skoonwal t in de oetsproake an mekoar wörd eplakt, heurt dee wöarde lös van mekoar te stoan. vandoar a'k oe det eawn wier veraandere. A'j t dr nit met eens zeent mu'j t mer zegn. Ook det stukn oawer t pak suker he'j dr non zo tusken edrok. Det les nit fein. Ik wete at t oew book is en oew verhaal, mer t steet wal op de openboare wiki, woer't dr iederene wat oawer te zegn hef ;). Nogmoals, a'j t dr nit met eens zeent heur'k det ook gearne. Woolters (overleg) 13:02, 18 nov 2011 (CET)

Goeindag Woolters, ik veent aollemoal best. A'we oe neet harren! Miene bedoolge um IEKUS ( aait met hoofdletters )op disse stea te hebben is dat de leu ok zeet dat n ensyklopedie neet stoffig en oolderwets is. Da'j n dialect ok in disse tied nog heel good kunt skriewn en oetgiewn. t Is neet bedoold as reclame waant t book verkoch zichzeelf wa. Ik kreeg gistern van de VVV van Eanter nog n mail dat t op de toonbaanke lig en dat ze geerne n interview wilt vuur de kraante. t Probleem met de skriefwieze is da'k t n betje mos doon op de TwenseWelle wieze. A'k vuur de tied wat skreef in t Eanters skreef ik t ok aans. k Heb hier nog met Goaitsen oawer disselt mer ik hoolt der now op dat ieder t book good kan leazen op de meneere zoas t eskreewn is. Ik krieg doar ok mails oawer dat de eerste paar riegels eawn noadeanken is mer dat't doarnoa zogaanks better geet. Wat miej nog neet wil lukken is t plaatje oploaden. De mealding dat allenig n behearder dat mag doon blif, wa'k ok doo. Miskien kan'k oe de plaatjes mailen en wil iej ze der op zetten? 't Klepperklömpke (overleg) 13:01, 19 nov 2011 (CET)

Joa klepperklömpke, ieleu magnt t mie röstig toosteurn, dan wil ik ze dr oe wal bie opzetn. Keump helemoal terechte. An wikipedia skriewn is in t begin inderdaad wal eawn wenn, mer a'j t een keer duur hebt, geet t helemoal vanzelf. Iej zegnt a'j gearne weelt loatn zeen at Tweants prima in ne moderne umgewing gebroekt kan wordn. Na, dan zi'j hier helemoal an t gode adres! wat dacht iej bievuurbeeld van oons artikel oawer high-Definition Multimedia Interface? Alns kan in t plat.

Ik hebbe oe eawn ne kleaine hulpe vuur niejelingn boawnan oew oawerlegblad ezat, dan kö'j dr n betn met spöln en dr an wenn. Det war'w nog vergetn.

Iej magnt hier trouwens ook röstig "zint" skriewn ipv "bint". Dr is hier ruumte vuur eelk dialekt. Woolters (overleg) 16:08, 19 nov 2011 (CET)

Woar möt de plaatjes dan hen, of is dat nen domme vroage? Mö'k wier aans op klikken wa'k nog neet heb evunden? 't Klepperklömpke (overleg) 13:26, 20 nov 2011 (CET)

Welkom

Oek namens mien welkom bie Wikipedie, mooi da'j derbie bin. :) Servien (overleg) 17:10, 20 nov 2011 (CET)

't Lik hier wa ene grote femilie, groezelig gezellig. Mer ik möt zeggen dat de plaatjes der mooi in stoat Woolters! 't Klepperklömpke (overleg) 18:14, 20 nov 2011 (CET)

Welkom Klepperklömpke, biester interessant waj doet. Ni'jluuseger (overleg) 21:14, 21 nov 2011 (CET)

Iej möt toch wat hebben wat oe plöag, of neet dan? 't Klepperklömpke (overleg) 18:21, 25 nov 2011 (CET)

skeelderskeunst

Dag Klepperkleumpke. Ik zaggen a'j n heel verhaal hebt emaakt van t artikel skeelderskeunst. Det is hertstikke mooi, mer dr ontbrekt nog wat. Iej hebt dr non n soort inleaidend verhaalken van emaakt, en det kan wal bliewn stoan, mer t is hier de bedoling de'j, a'j n artikel anmaakt, dan meteen in n eersten zin antwoard geewt op de vroage: wat is t? In dit geval dus, skeelderkeunst, wat is det? Iej zoln bv. es könn kiekn wo't det geet op n Hollaandsen wiki: http://nl.wikipedia.org/wiki/Schilderkunst. Wal mooi a'j t gewoon anpakt. Gewoon verdan goan, vie komt dr wal oet. Woolters (overleg) 00:53, 2 des 2011 (CET)

Kömp good, za'k doon. 't Is trouwns n bult waark dus doert' wa efkes vuurdat' kloar is. He'j trouwns WestTwente biej oeleu thoes? IEKUS steet der in vedaage. Good wekeande. 't Klepperklömpke (overleg) 18:02, 2 des 2011 (CET)