Wienter

De wienter is één van de vier seizoenen in de gemaotigde streken en in de poolstreken. Een veul veurkoemende misvatting is dat de kouwe periode zol ontstaon deurdat de eerde veerder van de zunne of steet, mar dit is neet waor, in de kouwe periodes steet de eerde korterbie de zunne as in de zoemer, oek wè perihelium eneumd. De ofstaand van de eerde tot de zunne hef gien invleud op de temperetuur op de eerde. 't Is de schune staand van de eerdas dee derveur zörg dat 't bie ons op de eerde kouwer wonnen. In de wienter steet op 't noordelijk halfrond de eerdas van de zunne of-ewend, en in de zoemer steet 't krek naor de zunne toe.

Ofbeelding van de drie weerkunnige wientermaonden (1971-2000)

's Wienters he-j vake snee en ies. Dit zörg veur wienterpret mar oek veur een bulte ongelokken. As 't een poosjen evreuren of esniejd hef dan ku-j weer de schaosen en de sleeën uut de kaste haolen. De meeste meensen doon dat dan oek. Of der argens snee vuilt en ies kump te liggen, lig der vanzelf wè an waor of da-j woenen, in Zuud-Amerika he-j neet zoveule kans op wienterpret.

Begin van de sterrekundige wienter

Op 't noordelijk halfrond, tussen 2003 en 2020:

2003	22 december	08:04	2009	21 december	18:47	2015	22 december	05:48
2004	21 december	13:42	2010	22 december	00:38	2016	21 december	11:44
2005	21 december	19:35	2011	22 december	06:30	2017	21 december	17:28
2006	22 december	01:22	2012	21 december	12:11	2018	21 december	23:22
2007	22 december	07:08	2013	21 december	18:11	2019	22 december	05:19
2008	21 december	13:04	2014	22 december	00:03	2020	21 december	11:02

De an-egeven tied is de plaoselijk Nederlaanse tied.

In 't zujelijk halfrond beginnen op disse daotums de zoemer.

Nedersaksisch

Drèents: winter
Grunnegs: wìnter
Stellingwarfs: winter
Tweants: weenter
Sallaans: winter
- Vechtdals: winter
Veluws: wi(e)nter

Commons: Wienter - plaatjes, filmkes en/of gelüüdsbestanden.

Disse pagina is eschreven in 't Nunspeets.