West Virginia
West Virginia is nen stoat in et oosten van de Verenigde Stoaten van Amerika. Op et zuudoosten van den stoat lig Virginia, op et zuudwesten Kentucky, op et noordwesten Ohio, Pennsylvanië op et noorden en Maryland noar et noordoosten. De heuwdstad is Charleston, wat ook meteen de grötste stad is.
| West Virginia | ||
 |
| |
| Vlagge van West Virginia | Woapen van West Virginia | |
 Kaarte van West Virginia
| ||
| Mountain State | ||
| Ofkorting | WV | |
| Tiedzone | −4/−5 | |
| Informasie | ||
| Oppervlak laand | 62.755 km² (0,6%) | |
| Inwonners - Dichtheid |
1.850.326 (2014) 29,8 inw./km² | |
| Geografie en bevolking | ||
| Too-etreaden | 20 juni 1863 | |
West Virginia wör nen stoat in 1861, toen as 50 noordwestelike groafskoppen van Virginia zik ofsplitsen in den Amerikaansen Börgeroorlog. Den niejen stoat köm op 20 juni 1863 bie de Verenigde Stoaten.
West Virginia steet bekeand um öare boargen en glooiende heuwels. Doarnöast um öare hooltbouw en kollenmienen, dee as in et verleden ne belangrieke rolle speulden. Et hef ene van de dichtste karstloagen van de wearld, woerduur as der grotklimmers en oonderzeukers gearne komt. Et karstlaand zorget vuur koele mearen, woerin as völle steur zweamp. Wiedters komt leu der gearne vuur skiën, weeldwatervoaren, visken, waandelen, backpacken, fietsen en jagen.
Verleden
bewarkIn West Virginia hebt leu nen hoop bulten eveunden, dee as skienboar bouwd zeent duur heuwelbouwers. Dee wonden hier in de vuurgeskiedenisse al in döarpe en deden haandelen met kopper.
Et Inheems Amerikaanse volk de Iroquois verjeugen aandere volker oet et laand um et as jachtgroond te gebroeken. Dit steet bekeand as de beaweroorlogen.
De Europeanen maakten der ook al verskel umme. Beade Pennsylvanië en Virginia meanden at öar et laand tooheurden. Ze konden et neet oawereen kommen, woernoa at Kentucky sticht is.
West Virginia heurden van 1607 töt 1776 bie de Britse Virginiakolonie. Noa den onofhaankelikheidsstried was et nog deel van Virginia, mer de westelike groafskoppen veunden at ze neet good vertegenwoordigd wörden en det der gin rekkening met öar eheulden wör in de stoatsregearing. Doarumme besleuten ze zik of te splitsen.
Laandskop
bewarkWest Virginia lig volledig in de boargketten de Appalachen en wörd doarumme ook wal de Boargstoat (Mountain State) eneumd. Et hef ne oppervlakte van 62.754,8 km in et veerkaant, woervan as 393,8 km² water is. Duur de stoat loopt twee grote rivieren: de Ohio en de Shenandoah. Den stoat ligt 460 meter boawen de zee. Doarmet is et den heugsten Amerikaansen stoat op et oosten van de Mississippi.
Et heugste peunt is Spruce Knob met 1482 meter. Roond dissen boarg is een groot taigawoold (Monongahela), met een oardig koold klimaat. Zes stukken van det woold stoat te book as Weeldernis en wordt beheard duur de National Park Service, et stoatsbosbehear. Op et zuden van et bos lig nen 300 meter depen canyon van de New River.
Op den stoat gröait van ooldsher verskillende soorten hardhoold, zo as eek, kastanje, plataan, beuk, danne en wilg en den Amerikaansen plataan. Der gröait onmeundig völle soorten plaanten, dee't vuur nen mooien anblik zorget. De inwonners van West Virginia neumt öaren stoat doarumme almost heaven (hoaste hemmel), noar et versken "Take Me Home, Country Roads" van John Denver wat oawer West Virginia geet.
Wiedters zit der völle kollen in de groond. De rotsen en karstformasies trekt völle grotoonderzeukers en boargbeklimmers. Et laandskop van West Virginia hef aait ne grote rolle spöld in et haandelen en leawen van de inwonners.
Wear
bewarkWest Virginia hef in de legere delen een vochtig subtropies klimaat, met hete vochtige zommers en meelde weenters. De rest hef een vochtig laandklimaat, met hete zommers en koolde weenters.
In januwoari is et der duur mekoar tusken de −4 °C en de 5 °C en in juli tusken de 19 °C en de 24 °C. In de boargen is et in duursnee een luk keulder. Der vaalt tusken de 81 cm en 140 cm reagen per joar. Den stoat is ook völle bewolkt en reagenachtig. Op wat steas reagent of sniejt et wal 200 deage in et joar.
Volk
bewark
Op 1 juli 2014 bleek oet ne telling at der 1.850.326 leu in West Virginia wont. Oet oonderzeuk bleek at West Virginia de minste peunten haalden op emosjonele en lichamelike gezooondheaid.
De samenstelling van West Virginia is:
- 93,2% neet-Latiens Blaank
- 3,4% Afro-Amerikaans
- 0,2% Inheems amerikaans
- 0,7% Aziaties Amerikaans
- 0,1% aanders (neet-Latiens)
- 1,3% ofstamming van meardere volker (neet-Latiens).
In West Virginia wörd et minste van alle stoaten aandere sproaken as Engels ekuierd; mer 2,7%.
Steaden
bewarkDe vief steaden met de meeste inwonners zeent:
| Stad | Groafskop | Inwonnertal |
|---|---|---|
| Charleston | Kanawha | 50.821 |
| Huntington | Cabell | 49.177 |
| Parkersburg | Wood | 31.186 |
| Morgantown | Monongalia | 30.666 |
| Wheeling | Ohio | 28.009 |
Geleuf
bewarkIn West Virginia gef et nen hoop geleufsgemeenskoppen op Kristelike groondslag dee as noargens bie heurt. 77% is kristelik, 1% is Jöds en 1% is Hindoe.
De grötste Kristelike groep is de United Methodist Church met 136.000 in 1200 gemeentes.
Ekonomie
bewarkDe ekonomie van West Virginia is de 62ste grötste van de wearld, noa Irak en vuur Kroäsië. Et hef een BBP van mear as USD 63 miljard.
Toerisme
bewarkDen stoat hef völle te daanken an zin laandskop. Völle toeristen komt of op de völle natuurparken, zo as de Harpers Ferry National Historical Park. Et heuwdgebouw van de Weston State Hospital is et grötste gebouw van Noord-Amerika wat volledig van haand-ehöwwene zaandsteenblukke bouwd is.
Belasting
bewarkWest Virginia deelt öare inwonners in vief loonskoalen in. Wiedters heft ze eigendomsskatte. Et meeste doarvan wörd in et oonderwies estökken. West Virginiaanse groafskoppen köant hotelbelasting vroagen.
Kultuur
bewarkSport
bewarkWest Virginia hef twee sportvereniges van heugere skolen dee't zik richtet op Amerikaans vootbal en basketbal: West Virginia en Marshall. Dee spölt beaide in de NCAA-divisie 1. Wiedters dreeit verskeidene professionele honkbal- en (Amerikaans) vootbalteams en aandere sporten nasjonaal met.
Muziek
bewarkIn West Virginia wörd völle Appalachiaanse volksmuziek emaakt, meestal met nen viool, banjo, gitaar en dulcimer. Dit geet terugge noar Skots-Ierse volksmuziek, dee as kolonisten van doar metnömmen. Hier heur'j ook de bekeande rappe fiedelmellodiejkes en gedreagene ballades van wier. Den dulcimer lik vuural ne echte Appalachiaanse oetveending te wean. In Charleston wörd alle joaren de Vandalia Gathering (Vandaliavergoaring) eheulden, woer as muzikaanten oet de hele Apalachenstrekke te hope komt um met mekoar muziek te maken.
| Verenigde Staoten van Amerika |  | |||||
|---|---|---|---|---|---|---|
|