Wyoming
Wyoming is eyne van de 50 Vereynigde Ståten van Amerika. Et ligt in et noordwesten van et land en grenset med de klokke med an Montana in et noorden en noordwesten, Süüddakota en Nebraska in et ousten, Idaho in et westen, Utah in et süüdwesten en Kolorado up et süden. Van alle amerikaanske ståten woanet hyr et minste lüde; in 2018 had Wyoming ne skatte bevolking van 578.759. De höyvdstad en grötste stad is Cheyenne, med 63.957 inwoaners.
| Wyoming | ||
 |
| |
| Vlagge van Wyoming | Woapen van Wyoming | |
 Kaarte van Wyoming
| ||
| Gelykheidsståt, Cowboyståt, Grout-Wyoming | ||
| Ofkorting | WY | |
| Tiedzone | −7/−6 | |
| Informasie | ||
| Oppervlak laand | 253.600 km² () | |
| Inwonners - Dichtheid |
578.759 (2019) 2,31 inw./km² | |
| Geografie en bevolking | ||
| Too-etreaden | 1791 | |
| Antal groafskoppen | 14 | |
Et westelike deyl van Wyoming wördt groutendeyls innöämen döär de Rocky Mountains. Et oustelike deyl is houglandprairie, wat de Hougvlakde nöömd wördt. Souwat de hälvde van et land wördt beheyrd döär de amerikaanske regeyring. Underdeyl van de federaal beheyrde landen sint twey natuurreservaten (Grand Teton en Yellowstone), twey untspanningsgebeden, twey nationale monumenten, verskillende nationale wolden, historisk belangryke steades, viskepaaieryen en beskütting vöär wilde deers.
De oorsprungelike inwoaners van et gebeed sint under meyr de Arapaho, Crow, Lakota en Shoshone. Et süüdwesten van Wyoming wör eyrst upeysked döär et spaanske keiserryk. Dårnå was et noch nen set deyl van Meksiko. In 1848 güng et oaver an de Vereynigde Ståten nå den Meksikaansk-Amerikaansken Oorlog. De name 'Wyoming' kreag et gebeed in 1865, do as et Nationaal Kungres ne regeyring vöär et gebeed wolde uprichten. De name was al eyrder gebröäken vöär et Wyomingdal in Pennsylvanie en is afleided van et munsee-woord xwé:wamənk, wat souvöäle bedüdet as "by de groute rivyrenvlakde".
Wat inkumsten angeyt müt Wyoming et vöäral hebben van turisme en et upgraeven van mineralen as koalen, öäly, aerdgas en trona (natriumhydrogeenkarbonaat). De buren doot der vöärnamelik med vey, hoi, sükerbeten, grån (tarwe en garste) en wul. Wyoming hevt en halvverdröygd landklimaat. Et is der dröygerder en windiger as de rest van et land. Temperaturen loupet ouk starker uuteyne.
Wat politik angeyt steyt Wyoming bekend as konservativ seyd de jåren '50 van de 20. eywe. Up et upvallend demokratiske Teton County nå stemmet de meyste inwoaners van Wyoming republikeinsk.
| Verenigde Staoten van Amerika |  | |||||
|---|---|---|---|---|---|---|
|