Heufdmenu losdoon
Disambig-dark.svg Zeet Kansas (duurverwiesziede) vuur aandere betekenissen van Kansas.

Kansas is nen stoat in de Verenigde Stoaten van Amerika. Et heurt bie et Midwesten van de VS. De heufdstad is Topeka en de grötste stad is Wichita.

Kansas
Vlagge van Kansas Woapen van Kansas
Vlagge van Kansas Woapen van Kansas
Kaarte van Kansas
Kaarte van Kansas
Zunnebloomstoat
Ofkorting KS
Tiedzone Grötste deel: -6/-5
Veer westelike groafskoppen: -7/-6
Informasie
Oppervlak laand 213.096 km² (0,56%)
Inwonners
- Dichtheid
2.904.021 (2014)
13,5 inw./km²
Geografie en bevolking
Too-etreaden 29 januwoari 1861

Den stoat is eneumd noar et Kansavolk, nen stam van Inheems Amerikaanse leu dee as der et eerste wonden. Diss leu neumt zikzelf de kką:ze. Det zol "leu van de weend" beduden of "leu van de zuderweend", mer et is woarskienlik neet de oorsproonkelike naam.[1][2] Inwonners van Kansas wordt "Kansanen" neumd. Kansas was doezenden joaren et laand van verskeidene Inheems Amerikaanse stämme. In et oosten wonden disse leu vake in döarpe in de rivierdalen. De stämme oet et westen treuken roond en deden völle jagen op bison. Europese Amerikanen kömmen pas noa 1830, mer dee toostreum nöm noa 1850 rap too, toen as de oorleuge oawer slawendriewerieje oetbreuken.

Toen as in 1854 Kansas offisjeel lös edoan wör vuur kolonisasie duur de regearing, maakten vuur- en tegenstaanders van et slawendriewen det ze der kömmen um oet te vechten of Kansas nen Vriestoat of slawenstoat wör. Doarduur was geweeld dageliksen kost, umdet disse groepen et regelmoatig met mekoar in et mot harren. Den stoat kreeg zelfs den naam Bleeding Kansas (Blodend Kansas). De tegenstaanders van et slawendriewen kregen oeteandelik de oawerhaande op den 29sten januwoari 1861[3][4]. Kansas wör lid van et Verboond as nen vriestoat. Noa den Börgeroorlog gröaiden et inwonnertal van Kansas rap, toen as alverdan mear intrekkers de prairiegroond in bouwlaand veraanderden.

Rechtervoort is Kansas ene van de bestboerende stoaten van Amerika. Den stoat hef grote eugste van groan, mais, sorghum en sojabonen.[5] Met 213.000 km² is Kansas den 15den grötsten Amerikaansen stoat. Der wont ongevear 2,9 miljoen leu. Et heugste peunt is de Zunnebloom, nen boarg van 1232 meter hoge.

VerwiezingsBewarken

  1. Rankin, Robert. 2005. "Quapaw." In Native Languages of the Southeastern United States, red. Heather K. Hardy en Janine Scancarelli. Lincoln: University of Nebraska Press, pg. 492
  2. Connelley, William E. 1918. Indians. A Standard History of Kansas and Kansans, ch. 10, vol. 1
  3. Memory.loc.gov - Today in History: January 29. Bekekken op 31 juli 2010
  4. governor.ks.gov - Kansas Quick Facts. Bekekken op 30 december 2010
  5. [http://agriculture.ks.gov/about-ksda/kansas-agriculture Kansas Department of Agriculture. "Kansas Agriculture". Bekekken op 14 september 2015.