Wye

Wye (hollandsk: Wijhe) is een dorp an den Yssel in de hüdige gemeynde Olst-Wye in de neaderlandske provincy Oaveryssel. Wye ligt tüsken Deaventer en Zwolle.

Wye
Dorp in Nederlaand
(Vlagge van Wye)	(Wapen van Wye)
Wye (Oaveriessel) Wye Wye Oaveriessel
Bestuur
Provinsie	Oaveriessel
Gemeente	Olst-Wye
Geografie en bevolking
Inwonners	6439 (?)
Koordinaten	52° 23′ N, 6° 8′ O
Aoverig
Belangrieke verkeersaoders	N337
Netnummer	0570
Postkode	8131
Offisiële webstae
www.olst-wijhe.nl

Töt an den eyrsten januåri 2001 was Wye ne up sikselv stånde gemeynde. Vanof den dåtum wördden de gemeyndes Wye en Olst by mekander voogd under den name Olst. Den 26sten määrt 2002 wör den name veranderd når Olst-Wye.

Geskydenisse

Wye wördt vöär et eyrste in de böke nöömd in 960 as "Wie", wat når alle anneamelikheid düüdt up een heiligdom. Ne belangryke mylpål in de geskydenisse is dan ouk 1960 eweasd, do as et dusendjårig bestån van Wye vyrd wör.

Landsbeskryving

Wye ligt an den Yssel, wår as nen oaversteak is med kampeersteades. Med de Veluwe is Wye verbünden döär een kabelvaerpont, by et dörpken Vorchten. Dit nömet se et Wyeske Vaer. Oaver land ligt Wye an de N337, tüsken de gröttere städen Deaventer en Zwolle.

Openbår vervoor

Station Wye ligt an de lyne Zwolle - Roosendaal, yder halv üre geyt der nen sneltrein beide kanten uut. Med de büsse is et dorp te bereiken med büslyne 161 (Deaventer - Zwolle). Ouk geyt der ne büürtbüsse van Wye oaver Brookland når Rålte.

De moide waerd

• De Nikolaaskarke is in laatgotisken styl upetrökken. De karke hevt dree böäke. De öldste deylen stammet uut de 13./14. eywe. Den torend is deyls laatromaansk en in gotisken styl uphöygd. In de karke ståt 17.-eywske möäbelen en gravtomben.
• De Wyeske Möäle. Midden in et dorp steyt ne good underhöldene möäle, dee noch gebruked wördt.
• De Butenwaerden is een natuurgebeed langs den Yssel up et noorden van et dorp.
• In de olde gemeynde Wye ligget dree landgoderen: Hagenvoorde, Et Nyenhuus med kasteel en Museum de Fundatie en landgood De Gelder up et ousten.
• An de Bongerd sit sead 1971 'Veermans Hof IJsselflora', nen heymgården den as anelegd is üm et kenmarkende wilde planten van et Ysseldal te töynen.

Skolen

Et dorp hev vyv laegere skolen:

• OBS De Peperhof (oapenbår)
• OBS Tellegenschool (oapenbår)
• RK Sint Jozef School (katolik)
• KBS De Bongerd (katolik)
• Matzer School (protestantsk-christelik)

Middelbåre skole:

• De Capellenborg, med ne vulleadige vmbo- en havo-afdeyling.

Sport en spel

Hyr een paar vereynigingen uut Wye:

• Wijhe '92 (vootbal)
• Wijhe '92 (handbal)
• Oranje Boys (saalvootbal)
• Deurtrappers (saalvootbal)
• Olympus (gymnastik)
• ATC Wijhe (tennis)
• Rood Wit '75 (volleybal)
• T.T.V Wijhe (tafeltennis)
• Wijhese Zwemclub - WZC (swemmen)

Geboaren in Wye

• Gerrit Berkhoff (1901-1996), chemikus en eyrsten rector magnificus van Universiteit Twente
• Miel Hoppe (10 määrt 1887), künstskilder, industrieel
• Jean Jacques Rambonnet (8 maart 1864), leygerleider, politikus
• Jeanet Schuurman (14 april 1961), sangeresse, nysleaser
• Conny Stuart (5 september 1913), sangeresse, cabaretière
• Claes Wildeboer (ca. 1720), dokter

Trivia

Mr. G. Schimmelpenninck, börgemeister van Wye, 1926

• Med den karnaval heat Wye Ysseldonk. Wye hevt twey karnavalsvereynigingen: C.V.De Diekschoevers en C.V. Wieje Bint Zat.
• Wye hevt alle jåren ne feestweake: de Wyeske Dykdagen. Dit is altyd in et eyrste weakenende van september. Et is eyne van de Sallandske Summerfeesten.
• In 2012 wör Wye döär RTV Oost as "Leukste dorp van Overijssel" eköäsen.

Fotogalerye

• 
  Protestantske karke
• 
  Den Yssel by Wye
• 
  De Möäle

Referentys

Dit artikel is eskreaven in et twentske dialekt van Ryssen, in de Nysassiske Skryvwyse.