Vöärblad
(döärstüürd vanaf "Heufdpagina")
Wat is neadersassisk?
Et neadersassisk, kortweg sassisk, is en westgermaanske språke dee vöäral spröäken wördt in et noordousten van Neaderland en et noorden van Düütskland. Skattingen van et antal spreakers loupet uuteyne van 5-10 miljoon, afhangelik van de måte van beheyrsking. Der is geen officiele, standardiseerde form: sassisk besteyt uut verskillende dialekten dee samen en dialektkontinuum formet.
In Neaderland wördt sassisk spröäken in de provinsys Grönningen, Drente en Oaveryssel; up de Veluwe en in de Achterhook (Gelderland); in de Stellingwarven (Freeslaand); en up Urk (Flevoland). Ouk buten Europa bint der formen van sassisk; de belangrykste bint plautdietsch (heyl Amerika) en pomerano (Brasilie). De språke kan underverdeyld wörden in wat höyvddialektgruppen: grönningsk-oustfreesk, noordsassisk, veluwsk-drentsk, westfålsk, oustfålsk, meakelenbörgsk-vöärpommersk en marksk-brandenbörgsk. Der bint meyrdere skryvwysen.
Wikipedia
Welkom by de neadersassiske uutgåve van Wikipedia. Wikipedia is en internetencyklopedy dee döär vrywilligers maked wördt en under vrye licensy uutgeaven wördt. Dit beteykent dat de inhold anderweagens ouk gebruked mag wörden. Ydereyne kan sik inskryven en midwarken. Et projekt is beskikbår in ruum 300 språken, en et antal språken groit noch altyd.
Disse wiki besteyt sinds 24 määrt 2006. Sinds dee tyd kün jy hyr al artikels leasen en skryven in de neadersassiske dialekten uut Neaderland. Vöär de neadersassiske dialekten uut Düütskland kün jy terechte up de düütsk-sassiske wiki, of up disse wiki in de Nysassiske Skryvwyse.