Kampen (Overiessel)

(döärstüürd vanaf "Kaampen")

Kampen is n stad, gemeente en n olde Anzestad elemaole an de benedenloop van de rivier de Iessel in de provinsie Oaveriessel. In de gemeente Kampen wonen ruum 54.000 mensen op n oppervlakte van zo'n 162 km² (wöörvan maar n klein gedeelte water). Kampen is bestuurlik deur middel van n netwärkstadovereenkomst verbunnen met Zwolle. Binnen de gemeente Kampen liggen de dörpen Graffest, 's-Eerenbroek, Iesselmuden, Wilsum en Zalk.

Gemeynde Kampen
Vlagge van de gemeente Kampen Wapen van de gemeente Kampen
Vlagge van Kampen Wapen van Kampen
Lokaty van de gemeynde Kampen
Lokaty van de gemeynde Kampen
Informaty
Provincy Oaveriessel
Höyvdplaatse Kampen
Geografy en bevolking
Uppervlakde
 - Land
 - Water
161,79 km²
142,64 km²
19,15 km²
Antal inwoaners
Inwoaners per km²
54.340 (1 januari 2020)
381 inw./km²
Koordinaten 52° 33′ N, 5° 54′ O

Koördinaoten: 52° 33′ N, 5° 54′ O

Oaverig
Belangryke weagen N50, N307, N764; spoorliende Zwolle-Kampen
Netnummer 0314, 038, 0524
Postkodes 8260-8279
Officiele websteade
www.kampen.nl

In Kampen wördt der Kampers espreuken, n Nedersaksies dialekt dät tot de Sallandse of de Gelders-Aoveriesselse dialektgroep be-eurt. t Onderzuuksinstituut de Iesselakademie zit in Kampen.

Geskiedenisse bewark

Rond 1150 was der al olten bebouwing op de plaatse waor t Kampen van now ligt, mar de name Kampen wördt in de geskiedenisse pas enuumd in 1277. De geunstige ligging an de drukbevaren andelsroete tussen de Zuderzee en de Rien zörgde derveur dät Kampen zich al gauw ontwikkelde van n gewone nederzetting töt n rieke andelsstad die zol uutgruuien töt één van de machtigste en toonangevende steden van Noordwest-Europa. In de 14e eeuw ruulde Kampen mit de bisschop van Utrecht, Jan van Arkel, de polder Mastenbroek tegen t recht op anwas in de Iesseldelta. t Verzanden van de Iessel maakte vanof 1430 zuties an n ende an de welvarendeid van Kampen.

De Ollandse Oorlog, tussen de Republiek van de Zeuven Verenigde Nederlanden en Engeland en Frankriek, betekende een definitief ende van de enorme macht van de stad. Deur t recht op anwas in de Iesseldelta was de stad wel eigenaar ewörden van t alsmaar groter wördende Kampereiland. De pachtinkomsten waren zo groot dät de stad gien belasting oefde te effen.

Kamper volkslied bewark

 ampen, alleröördigst städtien,
döör wöör ik geboren bin.
Wöör 'k aost ieder weet te wonen,
bi'jnao alle mensen ken.
Met oe olde trotse torens,
die'j al gauw van van värre zien,
städtien uut mien kienderjören,
oe vergeten kan ik niet.
 p oe mooie olde wallen,
eb ik ies as kiend espeuld.
Met mien olders, breurs en zussen,
lief en leed steeds saam edeeld.
Met oe olde, diepe grachten,
wöör n vreemde van genot.
Kampen, skoon en zinlik städtien,
Oe vergeten kan ik niet.
 l oe olde poortenamen,
doen nog denken an t verleden.
Met oe märkt in t midden.
olde uzen der um-een.
Met oe mooie Oldestraote,
wöör a'j veule winkels zien.
Kampen, met oe gries verleden,
Oe vergeten kan ik niet.
" nzestad", zo mag ie ieten,
Iesselbrugge, Kamper Steur'
en de "Uien", niet vergeten,
we kregen der n name deur.
Kampen is n eel skier städtien
wöör a'j veule kärken zien.
t Is de stad wöör 'k bin geboren.
Kampen: Ik vergeet oe niet!
  Is de stad wöör 'k bin geboren.
Kampen: Ik vergeet oe niet.

Bekende Kampers bewark

Eén van de bekendste Kampenaren was de skilder Hendrick Avercamp (1585-1634).

Galleri'je bewark

Nedersaksies bewark

Uutgaonde verwiezingen bewark

  Commons: Kampen - plaatjes, filmkes en/of gelüüdsbestanden.


  Dit artikel is eskreaven in et sallandske dialekt van Kampen, in de Algemene Nedersaksiese Schriefwieze.