Krentenstoete

Een krentenstoete (oek wel: krentenbrood of krentenkrogge) is een brood waorbie een bulte krenten mee-ebakken wonnen.

Et kind op de krentewegge bie 't kroamschudden

Een "goed krentenstoete" ziet zwart van de krenten, of hef (zoas ze wel zegen) meer krenten as deeg.

In Drenthe en Twente wonnen aorig wat krentenstoete egeten, veural bie de koffie. 't Twentse krentenstoete (daor heet 't kreantewegge) wonnen soms wel as een brood mit een lengte van aanderhalf tot twee meter ebakken en een breedte van ongeveer dartig centimeter. Vandaor dat ze deur meerdere personen edreugen wonnen. Dat gebeuren soms in een grote dook, mar meestentieds op een planke of een ledder. Ze wonnen vake kedo egeven bie geboortes (veural de eerste in een huwelijk) deur femilielejen of klega's. Et geven van krentewegge bie een geboorte kump ook in et westen van Overiessel veur.

Krentenstoete wonnen vake 's zundaas egeten, mit feesdagen (Kars en Paosen), bie een brulfte of bie gezinsuutbreiding.

Een krentenbrukjen wonnen vake mit echte botter besmeerd en soms wonnen der een plakjen keze op-edaon.

Trivia

• Van een bakker uut Zutfen hemmen meensen eheurd dat der in de jaoren dartig elke weke wel zo'n grote krentenstoete ebakken wönnen, waorbie de lengte oek ofhung van de welstaand van dee persoon.
• Rundumme Breevoort is et tradisie dat bi-j et kroamschudden de stoete under "nen krommen arme" wödden breg ni-j de olders woarbi-j de lengte van de pillenwegge wödt bepoald deur den tied dat et kind is geboarn vanof et trouwen, nen meter veur ieder joar.

Zie oek

• Krentenplassien

Nedersaksisch

• Achterhooks:
  • krentenwegge
  • pillenwegge
• Drèents:
  • krentestoet(e)
  • krint(en)stoet
  • krente(n)wegge, krinte(n)wegge*
  • plas*
• Sallaands:
  • krintewege, krentewigge, krenteweage, krentewegge
• Tweants:
  • kreantewegge
  • kreentnstoet(e)
• Veluws:
  • krentenbrood, krintenbrood
  • krentenstoete, krintenstoete (veural Oost-Veluws*)
  • krentenkrogge, krintenkrogge (umgeving Nunspeet, Oldebroek, Wezep)
  • krentenwegge, wegge (veural Oost-Veluws)
  • krentenmik, mik(ke) (veural West-Veluws*)
  • rezienenbrood (Harskamp)

Disse pagina is eschreven in 't Nunspeets