Et Zuud-Hollaans is de verzaemelnaeme veur een groot antal dialekten die praot wodden in de zudelike helte van et Hollaanse taelgebied, dat wil zeggen Zuud-Hollaand behalven Goeree-Overflakkee en de Alblasserweerd en de Noord-Hollaanse steden Amsterdam en Haarlem mit d'r drekte omgeving. Et bin disse dialekten die veeruut de grootste bi'jdraege leverd hebben an de totstaandkomming van et Standerdnederlaans.

Verwaantschoppen bewark

Et starkst liekt et Zuud-Hollaans op et Utrechts-Alblasserweerds, wat in et oosten van dit taelgebied te heuren is. In et zuudwesten heur ie invloeden uut et Zeeuws. Noordwesthoeks is een mingelmoesien van Zuud-Hollaans en West-Braobaans. Drie kleine Hollaanse streektaelen in Noord-Hollaand, et Kennemerlaans, et Zaans en et Waeterlaans, vormen de overgaang van et Zuud-Hollaans naor et West-Fries.